Уладзімір Уладзіміравіч Жвікаў

Уладзімір Уладзіміравіч Жвікаў (нар. 28 ліпеня 1950, Орша Віцебскай вобласці) — беларускі палітык.

Уладзімір Уладзіміравіч Жвікаў
Нараджэнне	28 ліпеня 1950(1950-07-28) (75 гадоў) Орша, Віцебская вобласць, Беларуская ССР, СССР
Адукацыя	БелДУТ
Узнагароды	ганаровая грамата Нацыянальнага сходу Рэспублікі Беларусь

Біяграфія

Скончыў Беларускі інстытут інжынераў чыгуначнага транспарту, інжынермеханік. Служыў у ракетных войсках стратэгічнага назначэння Савецкай Арміі, падпалкоўнік запасу. Працаваў памочнікам машыніста, майстрам, старшынёй прафкама лакаматыўнага дэпо Орша. Выбіраўся сакратаром камітэта КПБ Аршанскага чыгуначнага вузла. Працаваў першым намеснікам старшыні, старшынёй Аршанскага гарвыканкама, намеснікам дырэктара Аршанскага вышэйшага тэхнічнага каледжа, начальнікам лакаматыўнага дэпо Орша.

Выбіраўся дэпутатам Палаты прадстаўнікоў Нацыянальнага сходу Рэспублікі Беларусь другога і трэцяга скліканняў^[1].

Узнагароды

Узнагароджаны юбілейным медалём «90 год Узброеных Сіл Рэспублікі Беларусь», Ганаровай граматай Нацыянальнага сходу Рэспублікі Беларусь, знакам «Ганароваму чыгуначніку»^[2].

Зноскі

1. ЖВИКОВ ВЛАДИМИР ВЛАДИМИРОВИЧ Архівавана 29 жніўня 2019.
2. ПАРЛАМЕНТ- Нацыянальны сход Рэспублікі Беларусь трэцяга склікання Архівавана 16 верасня 2020.