Уладзімір Васілевіч Ярмошын

Уладзімір Васілевіч Ярмошын (26 кастрычніка 1942, Пронск, Разанская вобласць, Расія) — Прэм’ер-Міністр Рэспублікі Беларусь (14 сакавіка 2000 — 21 верасня 2001).

Уладзімір Васілевіч Ярмошын
4-ы прэм'ер-міністр Рэспублікі Беларусь 14 сакавіка 2000 — 21 верасня 2001
Прэзідэнт	Аляксандр Лукашэнка
Папярэднік	Сяргей Лінг
Пераемнік	Генадзь Навіцкі
старшыня Мінскага гарадскога выканаўчага камітэта 10 студзеня 1995 — 18 лютага 2000
Прэзідэнт	Аляксандр Лукашэнка
Папярэднік	Аляксандр Герасіменка
Пераемнік	Міхаіл Паўлаў
Нараджэнне	26 лістапада 1942(1942-11-26) (82 гады) Пронск, Q19836285?, Пронскі раён[d], Разанская вобласць, РСФСР, СССР
Нацыянальнасць	рускі
Адукацыя	Паўднёва-Расійскі дзяржаўны тэхнічны ўніверсітэт[d] (1964) Санкт-Пецярбургскі дзяржаўны ўніверсітэт грамадзянскай авіяцыі[d] (1989)
Прафесія	інжынер-механік
Месца працы	Навачаркаскі электравозабудаўнічы завод Мабільныя ТэлеСістэмы[d]
Узнагароды	Ордэн Пашаны, Беларусь
Медыяфайлы на Вікісховішчы

Біяграфія

Нарадзіўся 26 кастрычніка 1942 года ў п.г.т. Пронск.

Скончыў Навачаркаскі палітэхнічны інстытут (1964), Акадэмію грамадзянскай авіяцыі (1989), інжынер-механік, арганізатар вытворчасці.

У 1959—1960 гг. працаваў токарам Навачаркаскага электравозабудаўнічага завода ў Растоўскай вобласці РСФСР.

У 1965—1990 гг. — ст. інжынер, галоўны механік, намеснік дырэктара Мінскага завода грамадзянскай авіяцыі № 407.

У 1990 г. — старшыня выканкама Кастрычніцкага раённага Савета дэпутатаў г. Мінска.

У 1990—1992 гг. — намеснік старшыні Мінскага гарвыканкама, старшыня камітэта па жыллёвай гаспадарцы і энэргетыцы.

У 1992—1995 гг. — першы намеснік старшыні Мінскага гарвыканкама.

10 студзеня 1995 г. указам прэзідэнта № 11 прызначаны старшынёй Мінскага гарадскога выканаўчага камітэта і занесены на сцвярджэнне Мінскім гарадскім Саветам дэпутатаў.

З 1996 г. член Савета Рэспублікі Нацыянальнага Сходу Рэспублікі Беларусь, член камісіі па эканоміцы, бюджэту і фінансам.

18 лютага 2000 г. указам прэзідэнта № 77 «Аб Ярмошыне У. В.» прызначаны выконваючым абавязкі прэм’ер-міністра Рэспублікі Беларусь, змяніўшы на гэтым пасту Сяргея Лінга, які пайшоў у адстаўку.

1 кастрычніка 2001 г. указам прэзідэнта № 559 Генадзь Навіцкі прызначаны выканаўцам абавязкаў прэм’ер-міністра Рэспублікі Беларусь.

З ліпеня 2002 года па снежань 2003 года — кіраўнік прадстаўніцтва ААТ «Мабільныя ТэлеСістэмы» ў Беларусі.

Узнагароды

• ордэн «Знак Пашаны»,
• тры медалі.

Спасылкі

• Профіль на праекце «Хто ёсць хто ў РБ» Архівавана 6 снежня 2010. (руск.)
• Інтэрв’ю ў газеце «Народная воля»(недаступная спасылка)