Уолтэр Мэй

У Вікіпедыі ёсць артыкулы пра іншых людзей з прозвішчам Мэй.

Уо́лтэр Мэй (англ.: Walter May; 1912, Брайтан^[1], Англія^[2] — 2006, Масква, Расія^[3]) — англійскі паэт, перакладчык на англійскую мову паэзіі і эпасу народаў СССР.

Уолтэр Мэй
англ.: Walter May
Асабістыя звесткі
Дата нараджэння	1912
Месца нараджэння	Брайтан, Брайтан і Хоўв, Усходні Сусекс, Вялікабрытанія
Дата смерці	2006
Месца смерці	Масква, Расія
Грамадзянства	Вялікабрытанія
Прафесійная дзейнасць
Род дзейнасці	паэт, перакладчык
Гады творчасці	1950-я—2000-я
Жанр	паэзія
Мова твораў	англійская
Грамадская дзейнасць
Партыя	Камуністычная партыя Вялікабрытаніі[d]

Біяграфія

На працягу жыцця змяніў шмат прафесій. На суднабудаўнічым заводзе ў Шатландыі працаваў распрацоўнікам матораў мінаносцаў. Быў настаўнікам у школе. Добра майстраваў. Быў сябрам Камуністычнай партыі Вялікабрытаніі^[3]. У канцы 1960-х гадоў пераехаў жыць у Савецкі Саюз, дзе пазнаёміўся са сваёй другой жонкай — паэтэсай Людмілай Серастанавай^[4]. У Маскве працаваў рэдактарам-стылістам штотыднёвіка «Moscow News»^[1].

Літаратурная творчасць

Вершы пачаў друкаваць у 1950-я гады. Упершыню наведаў Беларусь у 1967 годзе.^[5] Першыя пераклады з беларускай мовы апублікаваў у 1968 годзе. Тады ж распачаў працу над перакладам на англійскую мову анталогіі сучаснай беларускай паэзіі «Цудоўны край Беларусі», у якую ўвайшлі творы 59 беларускіх паэтаў^[1].

Уолтар Мэй і Янка Купала

Не раз быў у Мінску і Вязынцы^[5].

Над ціхай Вязынкай-ракой,

нібы дыханне края чуўшы зблізку,

я скалыхнуў удзячнаю рукой

далёкі пілігрым яго калыску.

— Уолтар Мэй (з вершаванага запісу ў кнізе наведвальнікаў музея Купалы ў Вязынцы ў перакладзе Я. Семяжона)^[6]

Пераклаў 90 вершаў Янкі Купалы, сярод якіх «Мужык», «А хто там ідзе?», «Я не для вас…», «Адцвітанне», «За ўсё…», «Беларускім партызанам», «Я мужык-беларус», «Явар і каліна», «Мая навука», «Хлопчык і лётчык».^[5]

Прафесійныя адзнакі і ўзнагароды

• Дыплом Камітэту друку СССР (за пераклад твораў А. Пушкіна)
• Вялікі залаты медаль Кыргызстану (за пераклад эпасу «Манас»)
• Залаты медаль імя Ч. Айтматава^[3]

Выбраная бібліяграфія

• Цудоўны край Беларусі. Анталогія сучаснай беларускай паэзіі (1976, пераклад на англійскую)
• Я. Купала. Вершы (1982, пераклад на англійскую)
• Я. Купала. Песня сонцу (1982, пераклад на англійскую)
• Я. Колас. На прасторах жыцця (1982, пераклад на англійскую)
• Позняе жніво (1982, пераклад на англійскую Р. Барадуліна, А. Вярцінскага, Н. Гілевіча, Г. Тумаса і інш.)^[1]
• Бесконечная нить (лірыка) (1996)^[7]
• Кто были древние бритты? (2001, гістарычныя, геаграфічныя, этнаграфічныя і літаратурныя даследаванні)^[8]
• Л. Серостанова. Лирическая исповедь (2002, пераклад на англійскую)
• Нартский эпос (2011, пераклад з асецінскай мовы)
• Меридиан Любви (2013, паэтычная білінгва на рускай і англійскай мовах, разам з Л. Серастанавай)^[9]

Зноскі

1. Энцыклапедыя літаратуры і мастацтва Беларусі. Т. 3. — Мн., БелСЭ, 1984. — Артыкул «Мэй Уолтэр». — С. 712.
2. Паводле іншых звестак (А. Андэр) — у Шатландыі.
3. А. Андэр. Расійскі англічанін (нявызн.). «Щербинский Вестникъ» (8 снежня 2013).(недаступная спасылка)
4. Ларыса Кузьмінская. Связующее слово (нявызн.) (8 снежня 2013).
5. Янка Купала: Энцыкл. даведнік. — Мн., БелСЭ, 1986. — Артыкул «Мэй Уолтэр». — С. 412.
6. Яўген Салаўёў. Арарат Яся Луцэвіча (нявызн.)(недаступная спасылка). Народная Воля (8 снежня 2013). Архівавана з першакрыніцы 8 красавіка 2016. Праверана 26 чэрвеня 2014.
7. Бесконечная нить (лирика) (нявызн.). Any Book (8 снежня 2013).
8. Кто были древние бритты? : Ист., геогр., этногр. и лит. исслед. (нявызн.). Any Book (8 снежня 2013).
9. З. Валіева. «Нарцкі эпас» будуць чытаць на англійскай мове (нявызн.). Блог Зары Валіевай (8 снежня 2013).