Урмі

Урмі́ (руск.: Урми́^[1]) — рака на Далёкім Усходзе Расіі, у Хабараўскі краі і Яўрэйскай аўтаномнай вобласці, правы складнік ракі Тунгуска (прыток Амура).

Урмі
руск. Урми
Характарыстыка
Даўжыня	458 км
Басейн	15 000 км²
Расход вады	каля 170 м³/с
Вадацёк
Выток
• Месцазнаходжанне	Баджальскі хрыбет
• Каардынаты	50°27′30″ пн. ш. 134°28′51″ у. д.HGЯO
Вусце	Тунгуска
• Месцазнаходжанне	за 86 км ад вусця
• Каардынаты	48°43′49″ пн. ш. 134°16′59″ у. д.HGЯO
Размяшчэнне
Водная сістэма	Тунгуска → Амур → Ахоцкае мора
Краіна	Расія
Рэгіёны	Хабараўскі край, Яўрэйская аўтаномная вобласць
Код у ДВР	20030900112118100064948
выток вусце

Даўжыня ракі 458 км. Плошча вадазбору 15 000 км². Сярэдні расход вады каля 170 м³/с, каля сяла Кукан — 173^[2][3] м³/с. Выток ракі знаходзіцца на паўднёвым схіле Баджальскага хрыбта. Працякае ўздоўж Бурэінскага хрыбта. Ніжняе цячэнне Урмі на Ніжнеамурскай нізіне. У верхнім цячэнні рака мае горны характар, з парогамі і вадаспадамі. Жыўленне ракі пераважна дажджавое. Замярзае ў лістападзе, вызваляецца ад лёду ў красавіку.

Сярод прытокаў: Ірунгда-Макіт, Аннік, Урмійская Лака, Вялікая Хавагда, Пачан, Сынчуга, Трук, Гірбічы, Курумкан, Уячын, Кукан, Вялікі Ін і інш. У басейне ракі 1039 невялікіх азёр агульнай пдлошчай 32,2 км²^[3].

Зноскі

1. Большой энциклопедический словарь: В 2-х т. / Гл. ред. А. М. Прохоров. — М.: Сов. энциклопедия, 1991. — Т. 2. — С. 530. — 768 с. — 2 000 000 экз. — ISBN 5-85270-044-4 (т. 2.). (руск.)
2. Урми // Словарь «География России» / Главный редактор А. П. Горкин — М.: Большая Российская энциклопедия, 1998. (руск.)
3. ГЭС 1989.