Усцюжскі летапісны звод

Усцюжскі летапі́сны звод, агульнарускі.

Усцюжскі летапісны звод

Створаны ў 1-й чвэрці XVI стагоддзя ў Усцюгу (цяпер Вялікі Усцюг). Апісвае падзеі ад 852 года да канца XVI стагоддзя. У аснове зводу так званы агульнарускі летапісны звод 1494 года, мясцовыя летапісы і іншыя крыніцы. Каштоўная крыніца па гісторыі войнаў Вялікага Княства Літоўскага з Маскоўскай дзяржавай пачатку XVI стагоддзя. Змяшчае найбольш падрабязныя з усіх летапісных крыніц звесткі пра трэці Смаленскі паход 1514 года, Аршанскую бітву 1514 года і іншыя, магчыма, запісаныя са слоў усцюжаніна — непасрэднага ўдзельніка гэтых падзей або ваеннапалоннага з Вялікага Княства Літоўскага.

Літаратура

• Алесь Белы // Энцыклапедыя гісторыі Беларусі. У 6 т.. — Мн. : БелЭн
• Устюжский летописный свод (Архангелогородский летописец). Подг. к печ. и ред К. Н. Сербиной. М. — Л., 1950.
• Сербина К. Н. Устюжский летописный свод // Исторические записки. Кн. 20, 1946.

Спасылкі

• Арыгінальны артыкул(недаступная спасылка)