Факультэт інфармацыйных тэхналогій і робататэхнікі БНТУ

Факультэт інфармацыйных тэхналогій і робататэхнікі БНТУ (ФІТР БНТУ) — адзін з факультэтаў Беларускага нацыянальнага тэхнічнага ўніверсітэта.

Факультэт інфармацыйных тэхналогій і робататэхнікі БНТУ
Беларускі нацыянальны тэхнічны ўніверсітэт
Заснаваны	1983
Дэкан	Андрэй Міхайлавіч Аўсіевіч
Адрас	Мінск, Вуліца Багдана Хмяльніцкага, 9
bntu.by/fitr.html

Гісторыя

Факультэт быў створаны ў 1983 годзе як факультэт робатаў і робататэхнічных сістэм. У склад факультэта ўвайшлі чатыры кафедры: вышэйшай матэматыкі, тэхнічнай фізікі, электрапрывадаў і аўтаматызацыі прамысловых установак і тэхналагічных комплексаў, робататэхнікі і аўтаматызацыі машынабудавання. Факультэт пачынаўся з двух спецыяльнасцяў — «Аўтаматызацыя і комплексная механізацыя машынабудавання» і «Электрапрывад і аўтаматызацыя прамысловых установак», якія мелі спецыялізацыі па робататэхніцы.

У 1984 годзе ў склад факультэта ўвайшла кафедра кібернетыкі і вылічальнай тэхнікі са спецыяльнасцю «Прыкладная матэматыка». У гэтым жа годзе на факультэце была адкрыта падрыхтоўка па спецыяльнасці «Праграмнае забеспячэнне вылічальнай тэхнікі і аўтаматызаваных сістэм» і па спецыяльнасці «Сістэмы аўтаматызаванага праектавання».

У 1998 годзе факультэт робатаў і робататэхнічных сістэм быў перайменаваны ў факультэт інфармацыйных тэхналогій і робататэхнікі.

У 2000 годзе на базе факультэта быў створаны Міжнародны інстытут дыстанцыйнай адукацыі.

У 2002 годзе на факультэце адкрыта падрыхтоўка па спецыяльнасці «Інфармацыйныя сістэмы і тэхналогіі».^[1]

Склад факультэта

Факультэт мае ў сваім складзе наступныя кафедры:

• Праграмнае забеспячэнне вылічальнай тэхнікі і аўтаматызаваных сістэм
• Робататэхнічные сістэмы
• Электрапрывад і аўтаматызацыя прамысловых установак і тэхналагічных комплексаў
• Тэхнічная фізіка
• Вышэйшая матэматыка № 1

Дэканы

• Генадзь Іванавіч Хуцкі (1983—1989)
• Яўген Яўгенавіч Трафіменка (2009—2019)
• Андрэй Міхайлавіч Аўсіевіч (2019 — цяперашні час)

Зноскі

1. Гісторыя факультэта