Фернандынью

Ферна́нду Луіс Роза^[3] (парт.: Fernando Luiz Roza; нар. 4 мая 1985, Ландрына, Бразілія), больш вядомы як Фернанды́нью^[4] або Фернандынья (парт.: Fernandinho, МФА: [feʁnɐ̃ˈdʒĩj̃u]) — бразільскі футбаліст, паўабаронца клуба «Атлетыку Паранаэнсі» і былы ігрок нацыянальнай зборнай Бразіліі.

Фернандынью
Агульная інфармацыя
Поўнае імя	Фернанду Луіс Роза
Мянушка	Ферна
Нарадзіўся	4 мая 1985(1985-05-04)[1][2][…] (40 гадоў) Ландрына, штат Парана, Бразілія
Грамадзянства	Бразілія
Рост	179 см
Вага	66 кг
Пазіцыя	цэнтральны паўабаронца
Інфармацыя пра клуб
Клуб	Атлетыку Паранаэнсі
Нумар	5
Маладзёжныя клубы
Атлетыку Паранаэнсі
Клубная кар’ера[* 1]
2002—2005 Атлетыку Паранаэнсі 72 (14) 2005—2013 Шахцёр (Данецк) 184 (31) 2013—2022 Манчэстэр Сіці 264 (20) 2022— Атлетыку Паранаэнсі
Нацыянальная зборная[* 2]
2011—2019 Бразілія 53 (2)
Узнагароды і медалі
Кубкі Амерыкі Золата Бразілія 2019
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 29 чэрвеня 2022. Колькасць гульняў і галоў за нацыянальную зборную ў афіцыйных матчах, адкарэктавана станам на 29 чэрвеня 2022
Медыяфайлы на Вікісховішчы

Клубная кар’ера

Фернанду з’яўляецца выхаванцам клуба «Атлетыку Паранаэнсі», за якім дэбютаваў у прафесійным футболе і правёў у клубе некалькі сезонаў.

У ліпені 2005 года за 7,8 млн еўра перайшоў у данецкі «Шахцёр». У новым клубе дэбютаваў 30 ліпеня 2005 года ў матчы супраць клуба «Крыўбас» (1:0). Адгуляў вялікую ролю ў перамозе гарнякоў у нацыянальным першынстве сезона 2005/06. Акрамя таго, Фернандынью забіў гол у браму польскай «Легіі» ў матчы трэцяга адборачнага раўнду Лігі чэмпіёнаў.

Пасля скандальнага сыходу Франселіна Матузалема ўлетку 2007 года, Фернандынью стаў адным з лідараў каманды. Ён быў прызнаны лепшым іграком чэмпіянату Украіны сезона 2007/08, калі «Шахцёр» аформіў «залаты дубль», выйграўшы нацыянальнае першынство і кубак краіны. Вялікі ўнёсак ігрок зрабіў і калі «Шахцёр» стаў пераможцам Кубку УЕФА ў сезоне 2008/09. У еўракубкавых матчах таго сезона Фернандынью забіў 6 мячоў, у тым ліку пакрыўдзіўшы голам брамнікам кіеўскага «Дынама» ў першым паўфінальным матчы Кубка УЕФА. У складзе «гарнякоў» шэсць разоў заваёўваў тытулы чэмпіёну Украіны, а таксама чатыры разы стаў уладальнікам Кубка Украіны і тройчы Суперкубка.

6 чэрвеня 2013 года была дасягнута дамоўленасць на пераход Фернандынью ў «Манчэстэр Сіці». Сума трансферу склала 40 млн еўра^[5]. Стаў адным з асноўных ігракоў, з 2020 года быў капітанам каманды. У красавіку 2022 года абвясціў, што пакіне «Манчэстэр Сіці» па заканчэнні сезона 2021/22.

У чэрвени 2022 года вярнуўся ў «Атлетыку Паранаэнсі».

Міжнародная кар’ера

У зборнай Бразіліі дэбютаваў 10 жніўня 2011 года ў таварыскім матчы супраць зборнай Германіі.

Дасягненні

«Шахцёр»:

• Чэмпіён Украіны (6): 2006, 2008, 2010, 2011, 2012, 2013
• Уладальнік Кубка Украіны (4): 2008, 2011, 2012, 2013
• Уладальнік Суперкубка Украіны (3): 2008, 2010, 2012
• Уладальнік Кубка УЕФА: 2009

«Манчэстэр Сіці»:

• Чэмпіён Англіі (5): 2014, 2018, 2019, 2021, 2022
• Уладальнік Кубка Англіі: 2019
• Уладальнік Кубка Футбольнай лігі (6): 2014, 2016, 2018, 2019, 2020, 2021
• Уладальнік Суперкубка Англіі: 2018

Зборная Бразіліі:

• Уладальнік Кубка Амерыкі: 2019