Франс Снейдэрс

Франс Снейдэрс (11 лістапада 1579, г. Антверпен, Бельгія — 19 жніўня 1657) — фламандскі жывапісец, майстар барочнага нацюрморта.

Франс Снейдэрс
А. ван Дэйк «Партрэт Ф. Снейдэрса з жонкай». 1621 г.
Дата нараджэння	11 лістапада 1579(1579-11-11)[1][2][…]
Месца нараджэння	Антверпен, Герцагства Брабант, Габсбургскія Нідэрланды[1][3]
Дата смерці	19 жніўня 1657(1657-08-19)[4][5][…] (77 гадоў)
Месца смерці	Антверпен, Герцагства Брабант, Габсбургскія Нідэрланды[6][1][…]
Грамадзянства	Іспанскія Нідэрланды
Жонка	Margareta Snyders[d]
Род дзейнасці	мастак, архітэктурны чарцёжнік
Жанр	нацюрморт[1][7], алегорыя[d][1][7], анімалістычны жывапіс[d][1][7] і рэлігійны жывапіс[d][1][7]
Мастацкі кірунак	Flemish Baroque painting[d][8][9]
Уплыў на	Jan Roos[d]
Член у	Антверпенская гільдыя Святога Лукі[d]
Медыяфайлы на Вікісховішчы

Біяграфічныя звесткі

Вучыўся ў П. Брэйгеля Малодшага і X. ван Балена. Працаваў у Антверпене. З 1609, пасля наведвання Італіі, супрацоўнічаў з П. Рубенсам, пісаў у яго карцінах кветкі, садавіну, жывёл.

Творчасць

Нацюрморт з дамай і папугаем

У мастацтве Фландрыі XVII ст. распаўсюджанне атрымаў нацюрморт, у большай ступені — яго манументальна-дэкаратыўны варыянт. Гэта тлумачыцца прызначэннем выяў для дамоў багатых бюргераў і палацаў арыстакратаў. Нацюрморты адрозніваюцца вялікімі памерамі, празмернай пышнасцю, падкрэсленым багаццем прадметаў. Лідарам гэтага жанру быў Франс Снейдэрс.

Самастойную творчасць ён пачаў з невялікіх нацюрмортаў з некалькіх прадметаў, галоўным чынам кашоў, ваз з садавіной. Пазней перайшоў да манументальных палотнаў вялікага фармату з выявамі размешчанай на сталах або прылаўках вялікай колькасці бітай дзічыны, садавіны, гародніны, кветак, аб’яднаных у раскошныя дэкаратыўныя кампазіцыі ў стрыманай гаме.

Гандляр дзічынай

Напісаў шматлікія «крамы», дзе паказваў садавіну, гародніну, экзатычных птушак, кветкі, дзічыну, рыбу («Крама садавіны», «Рыбная крама», «Крама гародніны», усе — 1608—21), кошыкі, збаны, разнастайны посуд, шкло, кераміку, дарагія тканіны («Нацюрморт з дамай і папугаем», 2-ая чв. XVII ст.; «Нацюрморт з лебедзем», 1630-ыя). Здаецца, у гэтых выявах сабрана ўсё хараство свету ў яго адчувальных матэрыяльных формах.^[10]

Фігуры людзей у нацюрмортах Ф. Снейдэрса выконвалі пераважна іншыя жывапісцы, у тым ліку А. ван Дэйк, Я. Іорданс.

У позні перыяд пісаў паляўнічыя сцэны («Паляванне на дзікоў» і інш.).

Зноскі

1. https://rkd.nl/en/explore/artists/record?query=frans+snyders&start=1
2. Brozović D., Ladan T. Frans Snyders // Hrvatska enciklopedija — LZMK, 1999. — 9272 с.

   <a href='https://wikidata.org/wiki/Track:Q1264934'></a><a href='https://wikidata.org/wiki/Track:Q429032'></a><a href='https://wikidata.org/wiki/Track:Q18446'></a><a href='https://wikidata.org/wiki/Track:Q1789619'></a>
3. RKDartists Праверана 25 чэрвеня 2020.

   <a href='https://wikidata.org/wiki/Track:Q17299517'></a>
4. Frans Snijders

   <a href='https://wikidata.org/wiki/Track:Q17299517'></a>
5. Frans Snyders — 2009.

   <a href='https://wikidata.org/wiki/Track:Q1868372'></a>
6. Union List of Artist Names — 2017. Праверана 25 кастрычніка 2018.

   <a href='https://wikidata.org/wiki/Track:Q110250907'></a><a href='https://wikidata.org/wiki/Track:Q2494649'></a>
7. RKDartists

   <a href='https://wikidata.org/wiki/Track:Q17299517'></a>
8. Frans Snyders // Encyclopædia Britannica

   <a href='https://wikidata.org/wiki/Track:Q5375741'></a>
9. https://www.washingtonpost.com/archive/lifestyle/style/1993/10/03/the-reign-of-rubens/fa5807e5-8688-4a92-9a03-8f6a8ae999fc/
10. Лазука (2010)