Францішак Казімір Вайніловіч

Францішак Казімір Вайніловіч (польск.: Franciszek Woyniłłowicz; пам. 1745) — ураднік Вялікага Княства Літоўскага.

Францішак Казімір Вайніловіч
Сыракомля
падчашы мазырскі[d] 1722 — 1738
Смерць	1745
Род	Вайніловічы
Бацька	Крыштаф Пётр Вайніловіч
Маці	Ганна Людвіка з Расудоўскіх[d]
Жонка	Барбара з Фелькерзамбаў[d][1]
Дзеці	Адам Вайніловіч і Брыгіта з Вайніловічаў[d]

У Вікіпедыі ёсць артыкулы пра іншых людзей з прозвішчам Вайніловіч.

Біяграфія

Належаў да каталіцкага сярэднезаможнага шляхецкага роду Вайніловічаў герба «Сыракомля». Нарадзіўся ў сям’і Крыштафа Пятра Вайніловіча, падчашага і стольніка мазырскага, і Людвікі з Расудоўскіх.

Падчашы мазырскі (1722), губернатар Нясвіжскага княства князёў Радзівілаў у 1725—1740 гадах.

Сям’я

Быў у шлюбе з Барбарай з Фелькерзамбаў герба ўласнага (яе маці з Юдыцкіх герба «Радван»). Дзеці:

• Брыгіда, муж Юзаф Межаеўскі.
• Францішка, 1 муж — Бенядзікт Арэшка, 2 муж — Казімір Корсак.
• Алена, муж Францішак Хамскі.
• Адам (1739—1803), абозны, канюшы, суддзя земскі, падкаморы новагародскі. Жонка — Караліна Сулістроўская.
• Дамінік (1744 — пасля 1787), у духоўным стане, быў місіянерам Святога Яна ў Вільні.