Фрэд Зінавац

Фрэд Зінавац (ням.: Fred Sinowatz; 5 лютага 1929, Нойфельд-на-Лайце, Бургенланд, Аўстрыя — 11 жніўня 2008, Вена, Аўстрыя) — аўстрыйскі дзяржаўны і палітычны дзеяч.

Фрэд Зінавац
ням.: Fred Sinowatz
7-ы Федэральны канцлер Аўстрыі
Нараджэнне	5 лютага 1929(1929-02-05)[1][2][…] Нойфельд-на-Лайце[d], Eisenstadt-Umgebung District[d], Бургенланд, Аўстрыя[3]
Смерць	11 жніўня 2008(2008-08-11)[4][1][…] (79 гадоў) Вена, Аўстрыя
Месца пахавання	Нойфельд-на-Лайце[d]
Веравызнанне	Каталіцкая Царква
Партыя	Сацыял-дэмакратычная партыя Аўстрыі
Адукацыя	Лейпцыгскі ўніверсітэт Венскі ўніверсітэт
Месца працы	Федэральны Урад Аўстрыі
Медыяфайлы на Вікісховішчы

Фрэд Зінавац нарадзіўся ў Бургенландзе ў харвацкай сям'і. Скончыў філасофскі факультэт Венскага ўніверсітэту. Атрымаў ступень доктара філасофіі. Актыўны член СПА. Старшыня ландтага Бургенланд ў 1964—1966 гадах. Член зямельнага савета Бургенланд ў 1966—1971, адказваў за пытанні культуры.

Міністр адукацыі і мастацтваў у сацыялістычным урадзе Бруна Крайскага ў 1971—1983 гадах. Правёў шэраг рэформаў у сістэме адукацыі, накіраваных на павышэнне сацыяльнай абароненасці навучэнцаў і выкладчыкаў, павышэнне даступнасці адукацыі. У 1981 годзе, пасля адстаўкі з пасады віцэ-канцлера Ханэса Андраша, доўгі час быў бліжэйшым памочнікам Крайскага і разглядаўся як яго верагодны пераемнік. Зінавац заняў, акрамя міністэрскай пасады, таксама пасаду віцэ-канцлера.

У 1983 годзе, пасля таго, як СПА страціла абсалютную большасць у парламенце, шматгадовы канцлер краіны Бруна Крайскі сышоў у адстаўку. Фрэд Зінавац сфармаваў новы ўрад краіны, зараз ужо кааліцыйны, з удзелам прадстаўнікоў АНП. У тым жа годзе Фрэд Зінавац быў абраны новым старшынёй Сацыялістычнай партыі.

У 1984 годзе ўраду Зінаваца давялося сутыкнуцца з сур'ёзнымі пратэстамі супраць планаў па будаўніцтве гідраэлектрастанцыі ў Хайнбургу.

Ураду Зінаваца таксама давялося вырашаць праблемы буйнога дзяржаўнага сектара эканомікі краіны, асабліва гіганцкага прамысловага канцэрна Voest-Alpine AG, і ў 1985 годзе было прынята рашэнне аб яго частковай прыватызацыі.

Значную шкоду дзелавой рэпутацыі Аўстрыі нанёс скандал з выяўленнем у 1985 г. антыфрызу ў партыі аўстрыйскага віна, прызначанага для экспарту ў Германію.

У 1986 годзе Фрэд Зінавац сышоў у адстаўку ў знак пратэсту супраць абрання прэзідэнтам Аўстрыі Курта Вальдхайма, якога абвінавачвалі ў службе ў войсках СС у гады Другой сусветнай вайны.

Зінавац заставаўся на чале Сацыялістычнай партыі да 1988 года. Апошнія гады пражыў у Бургенландзе.

Зноскі

1. Fred Sinowatz // Brockhaus Enzyklopädie

   <a href='https://wikidata.org/wiki/Track:Q237227'></a>
2. Brozović D., Ladan T. Fred Sinowatz // Hrvatska enciklopedija — LZMK, 1999. — 9272 с.

   <a href='https://wikidata.org/wiki/Track:Q1264934'></a><a href='https://wikidata.org/wiki/Track:Q429032'></a><a href='https://wikidata.org/wiki/Track:Q18446'></a><a href='https://wikidata.org/wiki/Track:Q1789619'></a>
3. Deutsche Nationalbibliothek Record #11861469X // Агульны нарматыўны кантроль — 2012—2016. Праверана 11 снежня 2014.

   <a href='https://wikidata.org/wiki/Track:Q27302'></a><a href='https://wikidata.org/wiki/Track:Q36578'></a>
4. http://www.earthtimes.org/articles/show/225003,former-austrian-chancellor-sinowatz-dies.html