Фрэнк Дзювенек

Фрэнк Дзювенек (англ.: Frank Duveneck; 9 кастрычніка 1848, Ковінгтан — 3 студзеня 1919, Цынцынаці) — амерыканскі мастак, скульптар, графік і педагог.

Фрэнк Дзювенек
Дата нараджэння	9 кастрычніка 1848(1848-10-09)[1][2][…]
Месца нараджэння	Ковінгтан, акруга Кентан[d], Кентукі, ЗША
Дата смерці	3 студзеня 1919(1919-01-03)[3][4][…] (70 гадоў)
Месца смерці	Цынцынаці, акруга Гамільтан[d], Агая, ЗША
Грамадзянства	ЗША
Жонка	Elizabeth Boott[d][5]
Дзеці	Frank Boott Duveneck[d]
Род дзейнасці	мастак, выкладчык універсітэта
Месца працы	Art Academy of Cincinnati[d] Мюнхенская акадэмія мастацтваў
Жанр	партрэт
Вучоба	Мюнхенская акадэмія мастацтваў
Мастацкі кірунак	арыенталізм[d]
Член у	Амерыканская акадэмія мастацтваў і літаратуры[d]
Медыяфайлы на Вікісховішчы

Біяграфія

Нарадзіўся ў сям’і нямецкіх эмігрантаў. Пасля смерці яго бацькі, Бернгарда Дэкера, маці Фрэнка выйшла замуж другі раз, і хлопчык узяў прозвішча айчыма. Вывучаў жывапіс у Цынцынаці.

У 1869 годзе Дзювенек з’язджае ў Германію і паступае ў Каралеўскую акадэмію мастацтваў у Мюнхене, у клас Уільяма Чэйза. Па заканчэнні вучобы адкрывае ў Мюнхене ўласную мастацкую майстэрню. У 1873 годзе Дзювенек вяртаецца ў Амерыку і два гады выкладае ў Механічным інстытуце Агая. У 1875 ён зноў у Мюнхене, у 1876 годзе мастак едзе ў Парыж, а на наступны год — на дзевяць месяцаў у Венецыю. У 1879 ён здзяйсняе новае падарожжа ў Італію. У 1886 годзе Дзювенек ажаніўся са сваёй вучаніцай, 20-гадовай ураджэнкай Бостана, мастачкай Элізабет Бут (якая жыла ў той час у Фларэнцыі і вучылася жывапісу ў Дзювенека). Праз два гады Элізабет памірае ў Парыжы ад запалення лёгкіх. Перажыўшы гэтую трагедыю, Фрэнк на час пакідае жывапіс і звяртаецца да скульптуры.

Вярнуўшыся ў ЗША, мастак селіцца ў Цынцынаці, дзе і застаецца да канца сваіх дзён, працуючы выкладчыкам у мясцовай Акадэміі мастацтваў. Сярод яго вучняў варта адзначыць Джона Александэра, Джозефа Радэфера дэ Кампа, Кеньёна Кокса, Джона Генры Твахтмана.

На пачатку свайго творчага шляху Ф. Дзювенек піша пераважна партрэты ў рэалістычнай манеры. Пасля знаходжання ў Францыі і Італіі ён стварае таксама пейзажы і бытавыя сцэнкі, паступова эвалюцыянуючы ў бок імпрэсіянізму. Пісаў як карціны алеем, так і афорты.

З 1905 года — член Нацыянальнай акадэміі дызайну. У 1915 годзе работы Ф. Дзювенека выстаўляліся на Сусветнай выставе ў Сан-Францыска.

Зноскі

1. RKDartists Праверана 23 жніўня 2017.

   <a href='https://wikidata.org/wiki/Track:Q17299517'></a>
2. Frank Duveneck // Benezit Dictionary of Artists — OUP, 2006. — ISBN 978-0-19-977378-7 Праверана 9 кастрычніка 2017.

   <a href='https://wikidata.org/wiki/Track:Q217595'></a><a href='https://wikidata.org/wiki/Track:Q24255573'></a><a href='https://wikidata.org/wiki/Track:Q1547776'></a>
3. RKDartists Праверана 26 жніўня 2017.

   <a href='https://wikidata.org/wiki/Track:Q17299517'></a>
4. Frank Duveneck // Encyclopædia Britannica Праверана 9 кастрычніка 2017.

   <a href='https://wikidata.org/wiki/Track:Q5375741'></a>
5. Union List of Artist Names — 2017. Праверана 21 мая 2021.

   <a href='https://wikidata.org/wiki/Track:Q110250907'></a><a href='https://wikidata.org/wiki/Track:Q2494649'></a>