Фёдар Лаўрэнцьевіч Каралёў

У Вікіпедыі ёсць артыкулы пра іншых людзей з прозвішчам Каралёў.

Фёдар Лаўрэнцьевіч Каралёў (5 студзеня 1904 — 24 ліпеня 1963) — беларускі ваенны ўрач-хірург, палкоўнік медыцынскай службы^[1].

Фёдар Лаўрэнцьевіч Каралёў
Дата нараджэння	5 (18) студзеня 1904
Дата смерці	24 ліпеня 1963(1963-07-24) (59 гадоў)
Месца пахавання	Усходнія могілкі
Род дзейнасці	ваенны ўрач, хірург
Альма-матар	Смаленскі дзяржаўны медыцынскі інстытут[d] (1930)
Узнагароды

Біяграфія

Пасля заканчэння Смаленскага медыцынскага інстытута (1930) працаваў загадчыкам Алексінскай бальніцы Смаленскай вобласці. З 1931 года ў Чырвонай Арміі, праходзіў службу ў якасці малодшага ўрача кавалерыйскага палка, начальніка ваеннага шпіталя. Браў актыўны ўдзел у савецка-фінляндскім ваенным канфлікце. У гады Вялікай Айчыннай вайны — начальнік медыцынскай часткі шпіталяў некалькіх франтоў. Пасля вайны быў галоўным хірургам Ваенна-медыцынскага ўпраўлення, Ваенна-медыцынскага аддзела Беларускай ВА (1952-57)^[1].

Пахаваны на Усходніх могілках г. Мінска (Беларусь), участак 26^[1].

Узнагароды

Узнагароджаны ордэнамі Чырвонай Зоркі, Чырвонага Сцяга, медалямі^[1].