Факультэт філасофіі і сацыяльных навук БДУ

Факультэт філасофіі і сацыяльных навук (ФФСН) — вядучае структурнае падраздзяленне Беларускага дзяржаўнага ўніверсітэта па падрыхтоўцы ў галіне сацыяльных і гуманітарных навук у Беларусі.

Факультэт філасофіі і сацыяльных навук
Беларускі дзяржаўны ўніверсітэт
Заснаваны	1999
Дэкан	Вераніка Святаславаўна Сайганава
Месцазнаходжанне	Беларусь, Мінск, вул. Кальварыйская, 9
ffsn.bsu.by

Гісторыя

Традыцыя падрыхтоўкі спецыялістаў у галіне сацыяльна-гуманітарных ведаў у Беларусі закладваліся ў Беларускім дзяржаўным універсітэце з першых дзён яго існавання. Яшчэ ў 1921 годзе ў рамках факультэта грамадскіх навук была пачата падрыхтоўка студэнтаў па філасофіі, сацыялогіі і іншых гуманітарных дысцыплінах. З адкрыццём у 1947 годзе аддзялення філасофіі на гістарычным факультэце гэтая дзейнасць набыла больш арганізаваны характар. У 1966 годзе падрыхтоўка спецыялістаў сацыяльна-гуманітарнага профілю для нацыянальнай сістэмы адукацыі атрымлівае далейшае развіццё ў сувязі з аднаўленнем філасофскага аддзялення на гістарычным факультэце, а з 1989 года на філасофска-эканамічным факультэце.

Аднак на сапраўды сістэмнай і прафесійнай аснове сацыяльна-гуманітарная адукацыя ў галіне філасофіі, сацыялогіі, псіхалогіі, інфармацыі і камунікацыі пачынае рэалізоўвацца з 1 сакавіка 1999 года, калі ў адпаведнасці з рашэннем Вучонага Савета БДУ быў створаны факультэт філасофіі і сацыяльных навук.

Спецыяльнасці

• Філасофія
• Сацыялогія
• Псіхалогія
• Сацыяльныя камунікацыі
• Сацыяльная работа

Кафедры

На факультэце дзейнічае 7 кафедраў:

• Філасофіі і метадалогіі навукі
• Філасофіі культуры
• Сацыялогіі
• Сацыяльнай камунікацыі
• Сацыяльнай і арганізацыйная псіхологіі
• Агульная і медыцынскай псіхологіі
• Сацыяльнай работы і рэабіліталогіі

Дэканы

• Анатоль Уладзіміравіч Рубанаў (2006—2016)
• Вадзім Францавіч Гігін (2016—2021)
• Вераніка Святаславаўна Сайганава (з кастрычніка 2021)^[1]

Зноскі

1. Деканом факультета философии и социальных наук назначена кандидат философских наук Вероника Святославовна Сайганова (нявызн.)(недаступная спасылка). Архівавана з першакрыніцы 1 снежня 2021. Праверана 17 сакавіка 2022.