Францішак Вацлаў Бальцэвіч

У Вікіпедыі ёсць артыкулы пра іншых людзей з прозвішчам Бальцэвіч.

Францішак Вацлаў Бальцэвіч — віленскі гравёр сярэдзіны XVIII стагоддзя. Працаваў у тэхніцы гравюры па медзі^[1].

Францішак Вацлаў Бальцэвіч
Грамадзянства	Вялікае Княства Літоўскае
Род дзейнасці	гравёр па медзі
Медыяфайлы на Вікісховішчы

Творчасць

Ствараў пераважна выявы святых: Пятра Скаргі (1748), каралевіча Казіміра (1749), Іосіфа Каласанці, Яна Непамука, Антонія Падуанскага, Вінцэнта Ферэрыуса; абразы Маці Божай у віленскім касцёле св. Міхала, Лукішскую, Вастрабрамскую, Эйсімонцкую^[1].

Аўтар партрэта каралевы Марыі Юзэфы, жонкі караля Аўгуста III (1746)^[1].

Выканаў некалькі экслібрысаў для дамініканскіх і прыватных бібліятэк Г. Піскоўскага, Г. Помяна, К. Л. Плятэра, М. Г. Важынскага і інш. Стварыў уласны тып экслібрыса (з бюстамі «вучоных мужоў»), які стаў узорам для іншых мастакоў^[1].

Творы Бальцэвіча вызначаюцца тэхнічнай дасканаласцю і прапрацоўкай дэталей^[1].

Галерэя

• 
  Маці Божая Вастрабрамская
• 
  Маці Божая Лукішская
• 
  Святы Казімір
• 
  Святы Юстын на фоне касцёла Маці Божай Шкаплернай