Царква Успення Прасвятой Багародзіцы (Тэўлі)

Свята-Успенская царква — помнік архітэктуры псеўдарускага стылю.

Славутасць
Свята-Успенская царква
52°20′15″ пн. ш. 24°15′13″ у. д.HGЯO
Краіна	Беларусь
Вёска	Тэўлі
Канфесія	БПЦ
Епархія	Брэсцкая і Кобрынская епархія
Архітэктурны стыль	псеўдарускі стыль
Дата заснавання	1872
Дата пабудовы	1872 год
Медыяфайлы на Вікісховішчы

Гісторыя

Пабудавана ў 1872 годзе ў цэнтры вёскі Тэўлі (Кобрынскі раён) з цэглы паводле праекта архітэктара Міхалоўскага^[1].

Архітэктура

Асноўны кубападобны аб'ём пад пакатым чатырохсхільным дахам завершаны цыбулепадобнай галоўкай на васьмігранным барабане. Па падоўжнай восі далучаецца паўкруглая апсіда з рызніцай і трапезнай з прытворам-званіцай (2 васьмерыкі на чацверыку) з шатровым завяршэннем і макаўкай. Архітэктурная выразнасць кампазіцыі дасягаецца ігрой рознавялікіх і разнастайных па форме аб'ёмаў і дахаў. Галоўны і бакавыя арачныя ўваходы аформлены пластычнымі парталамі, арачныя аконныя праёмы — ліштвамі. Геаметрычныя плоскасці фасадаў акаймаваны вуглавымі лапаткамі і фрызам з парэбрыкам.

Інтэр'ер

Абраз другой палавіны 19 ст. «Ражджаство Хрыстова», разныя царскія вароты.

Зноскі

1. НГАБ ў г. Гродна, ф. "№, воп.1, спр.21; ф. 97. воп. 1, спр.312, арк 226—227; ф. 849, воп.1, спр.25.