Царква ў імя святой праведнай Іуліаніі Альшанскай (Альшаны)

Царква ў імя святой праведнай Іуліаніі Альшанскай — мураваны праваслаўны храм у в. Альшаны Брэсцкай вобласці. Знаходзіцца на вул. Горная.

Славутасць
Царква ў імя святой праведнай Іуліаніі Альшанскай
Краіна	Беларусь
Аграгарадок	Альшаны
Дата пабудовы	1994 год
Медыяфайлы на Вікісховішчы

Гісторыя

Сярод жылой забудовы. Пабудавана ў 1994 годзе з сілікатнай цэглы. Прыпісная да Параскеўскай царквы.

Архітэктура

Вырашана двума прамавугольнымі ў плане аб’ёмамі. Над прытворам узведзена драўляная 4-гранная шатровая званіца, апяразаная трохвугольнымі франтонамі і завершана макаўкай. Над аб’ёмам малітоўнай залы — 8-гранны барабан з геаметрызаваным цыбулепадобным купалам і макаўкай ў завяршэнні. Такая ж макаўка над алтарным фасадам. Чырвонай цэглай выкладзены элементы дэкору: зубчастыя карнізы, паясы, броўкі арачных аконных праёмаў і круглых люкарнаў, крыжы^[1].

Зноскі

1. Царква ў імя святой праведнай Іуліаніі Альшанскай