Цэнтральна-Задунайскі край

Цэнтральна-Задунайскі край (венг.: Közép-Dunántúl) — статыстычны (NUTS 2) рэгіён Венгрыі, які ўключае медзье Комарам-Эстэргам, Феер, Веспрэм. На поўначы мяжуе са Славакіяй, з поўдня абмежаваны возерам Балатан, на ўсходзе — Дунаем^[1].

Рэгіёны Венгрыі

Плошча рэгіёна складае 11 237 км². (пяты па плошчы рэгіён Венгрыі).^[2] Насельніцтва — 1 094 104 чалавек (даныя 2011 года).^[3] Узровень беспрацоўя ў 2001 годзе складаў 4,6 %.^[2]

Рэгіён дынамічна развіваецца, мае добрае геаграфічнае размяшчэнне і кваліфікаваную рабочую сілу.^[4] Наяўная інфраструктура патрабуе дадатковага развіцця для прыцягнення інвестыцый.^[4]

На тэрыторыі рэгіёна знаходзіцца адно з самых цёплых азёр Еўропы Веленцэ.^[1] Асноўныя славутасці размешчаны ў гарадах Секешфехервар, Веспрэм.^[1] Нацыянальны парк Прыбалатанскага ўзвышша.

У Херэндзе з 1826 года вырабляецца фарфор (Herend).^[1]

Зноскі

1. Buranbaeva, Mladineo 2011, с. 5-6.
2. Reuvid 2005, с. 8.
3. Насельніцтва Венгрыі Архівавана 27 верасня 2007.
4. Reuvid 2005, с. 6-7.