Цэнтральны аўтавакзал (Мінск)

Цэнтральны аўтавакзал — аўтавакзал у Мінску. Размешчаны на Прывакзальнай плошчы ў цэнтральнай частцы горада.

Аўтавакзал Цэнтральны
Адрас	Мінск, вул. Бабруйская 6-1
Тып	Аўтавакзал
Эксплуатант	КУП «Мінсктранс»
Адкрыта	1962 г.
Віды маршрутаў	Прыгарадныя, міжгароднія, міжнародныя
Сайт	Афіцыйны сайт
Аўтавакзал Цэнтральны на ВікіСховішчы

Гісторыя

Аўтавакзал быў пабудаваны на месцы былой воданапорнай вежы і пачаў сваю працу ў 1962 годзе.

15 жніўня 2007 г.^[1] вакзал быў зачынены на рэканструкцыю, а ў лістападзе ўжо быў дэмантаваны. На яго месцы быў пабудаваны новы комплекс, які адчыніў свае дзверы ў 2011 годзе.

Перспектывы

Сучасны стан (2019 год).

Аўтавакзал у 2007 годзе

Новы комплекс складаецца з пяці ўзроўняў: на першым, падземным, месцяцца тэхнічныя памяшканні і камеры захоўвання, на першым паверсе — касы і залы чакання. Вышэй месцяцца офісы і крамы.^[2] Каля вакзалу размешчаны таксама пяціўзроўневы паркінг, агульная плошча якога вырасце на 75% — з 2 да 3,5 тыс. м². Аўтавакзалу нададзены статус міжнароднага, дзякуючы чаму ёсць магчымасць адпраўляць рэгулярныя рэйсы ў Кіеў, Маскву, Варшаву, Прагу і іншыя.^[3]

Зноскі

1. У сувязі з зачыненнем аўтавакзала «Цэнтральны» у Мінску змененыя маршруты аўтобусаў // 13.08 БЕЛОРУССКИЕ НОВОСТИ Архівавана 15 верасня 2008. (руск.)
2. Новый автовокзал в Минске будет стоить как минимум 40 млн долларов МЕНСК.BY (руск.)
3. У Мінску пачынаецца рэканструкцыя старэйшага аўтавакзала - “Цэнтральны”(недаступная спасылка) Uff-by.org