Дом-музей Максіма Багдановіча (Яраслаўль)

Цэнтр беларускай культуры. Музей Максіма Багдановіча — музей і культурны цэнтр, адкрыты ў 1992 годзе ў Яраслаўлі (вул. Чайкоўскага, д. 21) у мемарыяльным доме класіка беларускай літаратуры М. А. Багдановіча. На сённяшні дзень гэта адзіны ў межах горада музей літаратурнага профілю.

Цэнтр беларускай культуры. Музей Максіма Багдановіча
Заснаваны	1992
Месцазнаходжанне	Яраслаўль ( Расія), вул. Чайкоўскага, 21
Праезд	усе тыпы транспарту да Чырвонай плошчы, плошчы Волкава ці плошчы Багаяўлення
Дырэктар	Прохарава Наталля Валянцінаўна (заг. філіялам)
Адкрыты	з 9 да 18 гадзін
museum.city-yar.ru
Медыяфайлы на Вікісховішчы

Першапачатковай задачай музея было знаёмства жыхароў горада з творчай спадчынай беларускага паэта, які восем з няпоўных дваццаці шасці гадоў жыў у Яраслаўлі. Першымі наведвальнікамі музея сталі беларусы, якія пражываюць у Яраслаўскай вобласці. Яны пачалі збіраць пры музеі бібліятэку выданняў беларускіх аўтараў, відэатэку і фанатэку, прыносілі экспанаты для этнабытавой калекцыі.

У 1995 годзе музей афіцыйна атрымаў статус Цэнтра беларускай культуры, а ў 1998 годзе на базе музея ствараецца яраслаўская рэгіянальная грамадская арганізацыя руска-беларускай дружбы «Сяброўства» («Таварыства»).

Музей стаў рэгулярнай пляцоўкай для рэалізацыі праектаў Яраслаўскага рэгіянальнага аддзялення агульнарасійскай грамадскай арганізацыі «Асамблея народаў Расіі»: правядзенне круглых сталоў і канферэнцый да Дня славянскай пісьменнасці і культуры, правядзенне народных каляндарных святаў. Музей актыўна супрацоўнічае з этнакультурнымі арганізацыямі: Цэнтр адраджэння рускай культуры і традыцый «Петрапаўлаўская слабада», Украінскае культурна-асветніцкае таварыства «Просвіта», Рэгіянальнае культурна-асветніцкае таварыства «Дом польскі».

Спасылкі

• Мемарыяльны Дом-музей М. Багдановіча Архівавана 5 лютага 2011.. Старонка на сайце Музея гісторыі горада Яраслаўля
• Цэнтр Беларускай культуры. Музей М. Багдановіча. Музеі Расіі