Часуча

Часуча́, чынчунча́, чусуча́, чысунча́^[2] (ад кіт. «шоўк-сырэц») — шчыльная шаўковая тканіна палатнянага перапляцення  (руск.). Адрозніваецца надзвычай высокай носкасцю дзякуючы лімітавай шчыльнасці нітак па аснове і па ўтку^[3]. Часучу выпрацоўвалі з кручаных нітак натуральнага шоўку адмысловага сорта — тусы  (англ.), дзікага дубовага^[4] або тутавага шаўкапрада^[3], якія маюць нераўнамерную таўшчыню^[5] і мноства дэфектаў у выглядзе налётаў, гузоў і вузельчыкаў, за кошт чаго тканіна набывае шурпатую фактуру паверхні. Аздабленне часучы выраблялася ў гатовай тканіны выварваннем. У залежнасці ад якасці зыходнай сыравіны часуча набывала колер ад залацістага да карычневага^[6].

Часуча
Сукенка Жаклін Кенэдзі з бледна-жоўтай часучы. 1962
Матэрыял	tussar silk[d][1]
Метад вырабу	палатно[d][1]
Медыяфайлы на Вікісховішчы

З часучы шылі летнія жаночыя і мужчынскія касцюмы, якія лічыліся прадметамі раскошы^[6], святочныя мужчынскія кашулі^[5], жаночыя ніжнія спадніцы  (руск.) і фіранкі^[6]. У XIX стагоддзі вырабленая ў Расіі часуча ў вялікіх колькасцях адпраўлялася на экспарт. У Еўропе паходжанне часучы звязвалі з Індыяй, адкуль яна паступала праз Вялікабрытанію. У СССР выраблялі імітацыю шаўковай часучы з баваўнянай карднай пражы дробнаўзорыстым жакардавым перапляценнем для пашыву блузак і мужчынскіх кашуль^[3].

Зноскі

1. Tortora P. G., Merkel R. S. shantung // Fairchild's Dictionary of Textiles — Fairchild Fashion Media, 1996. — P. 509.

   <a href='https://wikidata.org/wiki/Track:Q28888841'></a><a href='https://wikidata.org/wiki/Track:Q28859696'></a><a href='https://wikidata.org/wiki/Track:Q3064526'></a><a href='https://wikidata.org/wiki/Track:Q28888663'></a>
2. Лазука 2015, с. 162.
3. Товарный словарь 1961.
4. В. И. Неелов. Литературный словарик // Рассказы о ткачестве. — М.: Легпромбытиздат, 1990. — С. 160. — 160 с. — 10 000 экз. — ISBN 5-7088-0352-5.
5. Энциклопедия моды 1997.
6. Р. М. Кирсанова 1995.