Чорная Ганча

Чорная Га́нча^[1], або Ча́рна Га́ньча^[2] (польск.: Czarna Hańcza) — рака ў Польшчы і Гродзенскім раёне Беларусі, левы прыток Нёмана.

Чорная Ганча
Рака Чорная Ганча (Польшча)
Характарыстыка
Даўжыня	145 км
Басейн	1 916 км²
Вадацёк
Выток
• Каардынаты	54°14′38″ пн. ш. 22°47′49″ у. д.HGЯO
Вусце	Рака Нёман
• Каардынаты	53°54′02″ пн. ш. 23°47′01″ у. д.HGЯO
Размяшчэнне
Водная сістэма	Нёман → Балтыйскае мора
Краіна	Польшча  Беларусь
выток вусце
Медыяфайлы на Вікісховішчы

Даўжыня 145 км. Плошча вадазбору 1916 км². Сярэднягадавы расход вады ў вусці 17 м³/с. Сярэдні нахіл воднай паверхні 1,2 ‰.

Пачынаецца ў Польшчы, працякае праз возера Ганча. Цячэ праз Аўгустоўскую пушчу, па паўночных схілах Гродзенскага ўзвышша. Перасякае дзяржаўную мяжу за 1 км на паўднёвы захад ад в. Лясная. Упадае ў Нёман за 1 км на паўночны захад ад в. Загорнікі (Гродзенскі раён), на мяжы з Літвой. Даўжыня ў межах Беларусі 35 км, плошча вадазбору 178 км².

Прытокі: р. Марыха, Ігорка (злева), шматлікія ручаі.

Даліна глыбока ўрэзаная, шырыня яе ад 0,7 км да 3,5 км. Пойма двухбаковая, забалочаная (шырыня 0,2—1 км), ёсць участкі надпоймавых тэрас (вышыня да 10 м). Рэчышча звілістае, з буйнымі меандрамі. Шырыня ракі ў межань да 10 м.

Зноскі

1. Блакітная 1994.
2. Напісанне ў адпаведнасці з ТКП 236-2010 (03150) «Спосабы і правілы перадачы геаграфічных назваў і тэрмінаў Рэспублікі Польшча на беларускую мову». Гл. польска-беларускую практычную транскрыпцыю.