Чорт і баба

«Чорт і баба» — камедыя-жарт беларускага драматурга Францішка Аляхновіча, напісаная ў 1918 г. і ўпершыню пастаўленая ў 1921 г. трупай Уладзіслава Галубка.^[1] Створаная на аснове вядомай казкі-сатыры, раней звершаванай Францішкам Багушэвічам («Гдзе чорт ня можа, там бабу пашле»).^[2].

Чорт і Баба
«Чорт і баба», спектакль пастаўлены беларускім тэатрам ў Дзвінску. У ролі Мікіткі - К. Александровіч, Марыські - Л. Габран
Жанр	камедыя
Аўтар	Францішак Аляхновіч
Мова арыгінала	беларуская
Дата напісання	1918
Тэкст твора ў Вікікрыніцах

У 1927 г. гэта п'еса ўвайшла ў спектакль «Вечар студыйных практыковак» Другога беларускага тэатра (БДТ-2). Гэты твор неаднаразова ўвасабляўся драматычнымі калектывамі Заходняй Беларусі і інш. У 1994 г. п'еса ставілася Муніцыпальным тэатрам драмы «Дзе-Я?»^[1].

Зноскі

1. Хрэстаматыя па гісторыі беларускага тэатра і драматургіі: У 3 т. Т. 1: Ад вытокаў — да пачатку XX стагоддзя / Бел. ун-т культуры; Укл., рэд. тэкстаў, уступ. арт. і камент. А.В.Сабалеўскага. — 2-е выд., пашыр. і ўдаклад.. — Мн.: Беларуская навука, 1997. — С. 366—367. — 444 с. — ISBN 985-08-0064-X.
2. Гарэцкі, М. Чорт і баба // Гісторыя беларускае літэратуры. — Выданне другое (папраўленае). — Вільня: Віленскае выдавецтва Б. Клецкіна, 1921. — С. 197.