Чэслаў Міхневіч

У Вікіпедыі ёсць артыкулы пра іншых людзей з прозвішчам Міхневіч.

Чэслаў Міхневіч (польск.: Czesław Michniewicz; нар. 12 лютага 1970, Бярозаўка, Лідскі раён) — польскі футбаліст і трэнер. У цяперашні час працуе галоўным трэнерам саудаўскага клуба «Абха».

Чэслаў Міхневіч
Агульная інфармацыя
Нарадзіўся	12 лютага 1970(1970-02-12)[1] (55 гадоў) Бярозаўка, Лідскі раён, Гродзенская вобласць, Беларуская ССР, СССР
Грамадзянства	Польшча
Рост	188 см
Пазіцыя	брамнік
Інфармацыя пра клуб
Клуб	Абха
Пасада	галоўны трэнер
Маладзёжныя клубы
1978—1985 Оса (Біскупец)
Клубная кар’ера[* 1]
1985—1993 Балтык (Гдыня) 1993—1996 Палонія (Гданьск) 1996—2000 Аміка (Уронкі) 9 (-9)
Трэнерская кар’ера
1999—2002 Аміка II (Уронкі) 2001—2002 Аміка (Уронкі) брамнікі 2003 Палонія Алімпія (Эльблёнг) трэнер 2003—2006 Лех (Познань) 2006—2007 Заглэмбе (Любін) 2008—2009 Арка (Гдыня) 2010—2011 Відзаў (Лодзь) 2011 Ягелонія (Беласток) 2012 Палонія (Варшава) 2013 Падбяскідзе (Бельска-Бяла) 2015—2016 Погань (Шчэцін) 2016—2017 Брук-Бэт Тэрмаліца (Няцеча) 2017—2020 Польшча (да 21) 2020—2021 Легія (Варшава) 2022 Польшча 2023— Абха
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў.
Медыяфайлы на Вікісховішчы

Біяграфія

Нарадзіўся ў 1970 годзе на Беларусі ў горадзе Бярозаўка (Лідскі раён). Яго дзеда па лініі маці выслалі ў Сібір падчас сталінскіх рэпрэсій. Пасля вяртання з Сібіры дзед пасяліўся на Гродзеншчыне. Маці Чэслава з’ехала з мужам у Польшчу, але калі была цяжарная, вярнулася ў Бярозаўку^[2].

Чэслаў Міхневіч граў брамнікам у клубах: «Оса» Біскупец Паморскі, «Балтык» Гдыня, «Палонія» Гданьск. У 2000 годзе скончыў кар’еру футбаліста.

Распачаў трэнерскую кар’еру. У 2017—2020 трэніраваў маладзёжную зборную Польшчы U-21, у 2020—2021 гадах — варшаўскую «Легію». 31 студзеня 2022 года паведамлена аб прызначэнні яго галоўным трэнерам зборнай Польшчы па футболе, быў падпісаны кантракт да канца 2022 года з магчымасцю працягнення^[3]. Пакінуў пасаду пасля чэмпіянату свету 2022.

У чэрвені 2023 года падпісаў кантракт з саудаўскім клубам «Абха»^[4].