Шэрлак (тэлесерыял)

«Шэрлак» (англ.: Sherlock) — брытанскі тэлесерыял кампаніі Hartswood Films (англ.), зняты для BBC Wales (англ.). Сюжэт заснаваны на творах сэра Артура Конан Дойла пра дэтэктыва Шэрлака Холмса, аднак дзеянне адбываецца ў нашы дні. У 2009 годзе быў замоўлены непаказаны пілотны эпізод, а ў ліпені і жніўні 2010 года на тэлеканалах BBC One і BBC HD былі паказаны тры дзевяностахвілінных эпізоды першага сезона. Трохсерыйны другі сезон быў паказаны ў студзені 2012 года, а трэці запланаваны на 2013 год.

Шэрлак
англ.: Sherlock
Жанр	дэтэктыў драма
Стваральнік	Марк Гэтыс Стывен Мофат (па матывах твораў Артура Конан Дойла)
Заснавана на	canon of Sherlock Holmes[d]
Сцэнарыст	Марк Гэтыс Стывен Мофат Стыў Томпсан
Рэжысёр	Пол Макгіган Эйрас Лін Тобі Хайнс
У ролях	Бенедыкт Камбербэтч Марцін Фрымен
Кампазітар	Дэвід Арнальд Майкл Прайс
Краіна	Вялікабрытанія
Мова	англійская[1]
Колькасць сезонаў	4
Колькасць серый	13 (спіс эпізодаў)
Вытворчасць
Прадзюсар	Сью Верцью
Месца здымак	Лондан
Працягласць серыі	90 хвіл.
Студыя	Брытанская вяшчальная карпарацыя
Трансляцыя
Тэлеканал	BBC One
На экранах	25 ліпеня 2010 (BBC One) — 15 студзеня 2017[2]
Фармат відэа	16:9
Спасылкі
bbc.co.uk/program… (англ.)
IMDb	ID 1475582
Медыяфайлы на Вікісховішчы

Аўтарамі серыяла з’яўляюцца Марк Гэтыс і Стывен Мофат, вядомыя працай над тэлесерыяламі «Доктар Хто» і «Джэкіл», а галоўныя ролі Шэрлака Холмса і доктара Джона Ватсана выконваюць Бенедыкт Камбербэтч і Марцін Фрымен адпаведна. Здымкі праходзяць пераважна ў Лондане і Кардыфе. Праект атрымаў станоўчыя водгукі на працягу абодвух сезонаў і быў намінаваны на некалькі ўзнагарод. У 2011 годзе «Шэрлак» стаў уладальнікам тэлевізійнай прэміі BAFTA у катэгорыі «Лепшы драматычны серыял»^[3].

Зноскі

1. fernsehserien.de Праверана 1 чэрвеня 2020.

   <a href='https://wikidata.org/wiki/Track:Q54871129'></a>
2. http://dbpedia.org/resource/Sherlock_(TV_series) Праверана 19 красавіка 2020.
3. Television Awards Winners in 2011 (англ.)(недаступная спасылка). BAFTA. Архівавана з першакрыніцы 2 лістапада 2011. Праверана 23 студзеня 2012.