Элеанора Іванаўна Вецер

Элеанора Іванаўна Вецер (22 мая 1932, Любанскі раён — 18 лістапада 2011^[1]) — беларускі мастацтвазнавец і грамадскі дзеяч.

Элеанора Іванаўна Вецер
Дата нараджэння	22 мая 1932(1932-05-22)
Месца нараджэння	Любанскі раён, Беларуская ССР, СССР
Дата смерці	18 лістапада 2011(2011-11-18) (79 гадоў)
Месца пахавання	Паўночныя могілкі
Род дзейнасці	мастацтвазнаўца, грамадская дзяячка
Месца працы	Нацыянальны мастацкі музей Рэспублікі Беларусь
Альма-матар	гістарычны факультэт БДУ

У Вікіпедыі ёсць артыкулы пра іншых людзей з прозвішчам Вецер.

Біяграфія

Скончыла гістарычны факультэт БДУ. Працавала ў беларускім аддзеле Мастацкага музея. У 1973 годзе сярод іншых звольнена з АН БССР «за нацыяналізм». Пазней пачала працаваць у спецыялізаваных навукова-рэстаўрацыйных майстэрнях Міністэрства культуры БССР. Была адным з аўтараў навуковай запіскі да ЦК КПБ супраць знішчэння гістарычнага цэнтра Мінска.^[1]

Пахавана на Паўночных могілках у Мінску.^[1]

Дзейнасць

У канцы 1960-х разам з аднадумцамі на ўласныя сродкі арганізоўвала экспедыцыі па Беларусі для збірання помнікаў нацыянальнай культуры. Потым далучылася да экспедыцыйнай дзейнасці Інстытута мастацтвазнаўства, этнаграфіі і фальклору. Такім чынам пачалося стварэнне збору Музея старажытнабеларускай культуры. Дамаглася ўнясення соцень помнікаў культуры да Спісу спадчыны. Выступала з публічнымі лекцыямі пра беларускую культуру для розных аўдыторый.^[1]

Аўтар соцень артыкулаў пра помнікі нацыянальнага мастацтва.^[1]

Бібліяграфія

• Іканапіс Заходняга Палесся XVI—XIX стст. / [В. Ф. Шматаў, Э. І. Вецер, М. П. Мельнікаў і інш.] Навук. рэд. Шматаў В. Ф.; Нац. акад. навук Беларусі. Ін-т мастацтвазнаўства, этнаграфіі і фальклору імя К. Крапівы. — Мн.: Бел. навука, 2002. — 348,[1] с.: іл.

Зноскі

1. Аксак В. Вянок памяці…