Электракардыяграфія

Электракардыяграфія — методыка рэгістрацыі і даследавання электрычных палёў, якія ўтвараюцца пры працы сэрца. Электракардыяграфія ўяўляе сабой адносна недарагі, але каштоўны метад электрафізіялагічнай інструментальнай дыягностыкі ў кардыялогіі.

Электракардыяграма ў 12 стандартных адводах мужчыны 26 год, без паталогіі

Прамым вынікам электракардыяграфіі з’яўляецца атрыманне электракардыяграмы (ЭКГ) — графічнага прадстаўлення рознасці патэнцыялаў, якія ўзнікаюць у выніку працы сэрца і праводзяцца на паверхню цела. На ЭКГ адлюстроўваецца асерадненне ўсіх вектараў патэнцыялаў дзеяння, якія ўзнікаюць у пэўны момант працы сэрца.

Правільнае размяшчэнне электродаў на канечнасцях. Электроды канечнасцяў могуць быць або далёка ўнізе, або блізка да сцёгнаў ці плеч, але заўсёды яны павінны быць размешчаны сіметрычна^[1].

Размяшчэнне электродаў на грудзях (прэкардыяльныя электроды)

У 12-адводным ЭКГ электроды замацоўваюцца ў наступных кропках:

Назва электрода/адвода	Палажэнне электродаў
RA (Right Arm)	На правай руцэ (пазбягаючы вялікіх мышцаў)
LA (Left Arm)	У тым жа месцы (сіметрычна, на тым жа ўзроўні), дзе i RA, але на левай руцэ
RL (Right Leg)	На правай назе, па ніжнім канцы медыяльнай ікраножнай мышцы (пазбягаюцы касцяных выступаў)
LL (Left Leg)	У тым жа месцы (сіметрычна, на тым жа ўзроўні), дзе і RL, але на левай назе
V1	Правы край грудзіны, 4 міжрэбер’е
V2	Левы край грудзіны, 4 міжрэбер’е
V3	На паўшляху паміж адводамі V2 і V4
V4	У месцы верхавіннага штуршка сэрца (звычайна ў пятым міжрэбер’і ў сярэднераменнічнай лініі). Усе наступныя адводы знаходзяцца ў той жа гарызантальнай плоскасці[2], што і V4
V5	Па пярэдняй падпахавай лініі ў гарызантальнай плоскасці з V4
V6	Па сярыдняй падпахавай лініі ў гарызантальнай плоскасці з V4

Зноскі

1. RESTING 12-LEAD ECG ELECTRODE PLACEMENT AND ASSOCIATED PROBLEMS (англ.)(недаступная спасылка). DrTanzil. Архівавана з першакрыніцы 2 красавіка 2015.
2. Нягледзячы на тое, што ЭКГ-даследаванне звычайна робіцца ў ляжачым становішчы пацыента, тэрмін «гарызантальная плоскасць» адносіцца да агульнага абследавання, якое праводзіцца стоячы.