Электрычная станцыя

Электрычная станцыя, электрастанцыя — прадпрыемства па выпрацоўцы электрычнай энергіі.

Найбольш электраэнергіі ў свеце атрымоўваюць на цеплавых электрычных станцыях, якія выкарыстоўваюць энергію згарання арганічнага паліва. Таксама значную колькасць электрычнай энергіі атрымоўваюць на цеплавых электрычных станцыях, якія выкарыстоўваюць энергію дзялення ядзер цяжкіх элементаў — атамныя электрычныя станцыі (АЭС) і на гідраэлектрастанцыях. У апошні час усё больш распаўсюджваюцца альтэрнатыўныя спосабы атрымання электраэнергіі.