Юрый Анатольевіч Грамакоўскі

Юрый Анатольевіч Грамакоўскі (нар. 6 мая 1969, Баранавічы) — беларускі дзяржаўны дзеяч. «Чалавек года Брэсцкай вобласці» (2012).

Юрый Анатольевіч Грамакоўскі
Старшыня Баранавіцкага гарадскога выканаўчага камітэта 22 кастрычніка 2013 — 3 кастрычніка 2022
Папярэднік	Віктар Дзічкоўскі (в. а. з 21 па 22 кастрычніка 2013 — Валерый Лазіцкі)[1]
Пераемнік	Міхаіл Леанідавіч Бацэнка
Нараджэнне	6 мая 1969(1969-05-06) (56 гадоў) Баранавічы, Брэсцкая вобласць, Беларуская ССР, СССР
Адукацыя	Акадэмія кіравання пры Прэзідэнце Рэспублікі Беларусь (2008) БДПА (1993) Мінскі інстытут сучасных тэхналогій і маркетынгу (1999)
Узнагароды	Ганаровая грамата Савета Міністраў Рэспублікі Беларусь (8 жніўня 2007) Ганаровая грамата Міністэрства архітэктуры і будаўніцтва Беларусі[d] Ганаровы будаўнік[d] Чалавек года Брэстчыны[d] (2012)

Біяграфія

Нарадзіўся 6 мая 1969 года ў Баранавічах^[2].

У 1993 годзе скончыў Беларускую дзяржаўную політэхнічную акадэмію па спецыяльнасці «вытворчасць будаўнічых вырабаў і канструкцый», у 1999 годзе — Мінскі інстытут сучасных тэхналогій і маркетынгу па спецыяльнасці «менеджмент», у 2008 годзе — Акадэмію кіравання пры Прэзідэнце Рэспублікі Беларусь па спецыяльнасці «дзяржаўнае кіраванне нацыянальнай эканомікай»^[3].

20 гадоў прапрацаваў на розных пасадах на Баранавіцкім камбінаце жалезабетонных канструкцый. З 2000 года і да моманту прызначэння на пасаду старшыні Баранавіцкага гарадскога выканаўчага камітэта працаваў дырэктарам гэтага прадпрыемства^[3].

22 кастрычніка 2013 года быў прызначаны на пасаду старшыні Баранавіцкага гарадскога выканаўчага камітэта^[4].

З’яўляўся дэпутатам Баранавіцкага гарадскога Савета дэпутатаў 26-га склікання (15 выбарчая акруга)^[5].

Узнагароды

• Ганаровая грамата Савета Міністраў Рэспублікі Беларусь;
• ганаровая грамата Міністэрства архітэктуры і будаўніцтва Рэспублікі Беларусь;
• званне «Чалавек года Брэсцкай вобласці» (2012)^[3];
• нагрудны знак «Ганаровы будаўнік»^[6].

Сям’я

Жанаты, двое дзяцей — сын, 1998 года нараджэння, і дачка, 2001 года нараджэння^[3].

Зноскі

1. Мэр Барановичей Виктор Дичковский ушел с поста по собственному желанию (руск.)(недаступная спасылка). TUT.BY (22 кастрычніка 2013). Архівавана з першакрыніцы 14 лістапада 2020. Праверана 14 лістапада 2020.
2. Председателем Барановичского горисполкома назначили Юрия Громаковского (нявызн.). Виртуальный Брест (22 кастрычніка 2013). Праверана 14 лістапада 2020.
3. Intex-press. Председателем Барановичского горисполкома назначили Юрия Громаковского (ОБНОВЛЕНО) (руск.). www.intex-press.by (22 кастрычніка 2013). Архівавана з першакрыніцы 16 лістапада 2020. Праверана 14 лістапада 2020.
4. Председателем Барановичского горисполкома назначили Юрия Громаковского (руск.)(недаступная спасылка). TUT.BY (22 кастрычніка 2013). Архівавана з першакрыніцы 14 лістапада 2020. Праверана 14 лістапада 2020.
5. Людмила СТЕЦКО. Каждому округу – по депутату (руск.). www.intex-press.by (29 красавіка 2010). Архівавана з першакрыніцы 16 лістапада 2020. Праверана 14 лістапада 2020.
6. В Барановичах впервые с 2000 года поменялся мэр (нявызн.). naviny.by (22 кастрычніка 2013). Архівавана з першакрыніцы 16 лістапада 2020. Праверана 14 лістапада 2020.