Юрый Леанідавіч Казакоў

У Вікіпедыі ёсць артыкулы пра іншых людзей з прозвішчам Казакоў.

Юрый Леанідавіч Казакоў (нар. 27 ліпеня 1950, г. п. Шуміліна, Віцебская вобласць) — беларускі гісторык. Спецыяліст па пытаннях канфесійнай гісторыі Беларусі XV—XVII стагоддзяў. Кандыдат гістарычных навук (1978), дацэнт (1982)^[1].

Юрый Леанідавіч Казакоў
Дата нараджэння	27 ліпеня 1950(1950-07-27) (75 гадоў)
Месца нараджэння	Шуміліна, Сіроцінскі раён, Віцебская вобласць, Беларуская ССР, СССР
Грамадзянства	Беларусь
Род дзейнасці	гісторык
Месца працы	гістарычны факультэт БДУ
Навуковая ступень	кандыдат гістарычных навук (1978)
Навуковае званне	дацэнт (1982)
Альма-матар	гістарычны факультэт БДУ (1972)
Узнагароды

Біяграфія

Нарадзіўся 27 ліпеня 1950 года ў г. п. Шуміліна Віцебскай вобласці^[1].

Скончыў у 1972 годзе гістарычны факультэт БДУ, у 1975 годзе — аспірантуру БДУ^[1].

З 1975 года працуе на гістарычным факультэце БДУ: выкладчык, дацэнт кафедры гісторыі Беларусі; загадчык кафедры гісторыі Беларусі старажытнага часу і сярэдніх вякоў; намеснік дэкана гістарычнага факультэта; дацэнт кафедры гісторыі Беларусі старажытнага часу і сярэдніх вякоў^[1].

Узнагароды

Выдатнік адукацыі (2000)^[1].

Навуковая дзейнасць

Напрамкі даследаванняў: рэлігійныя працэсы і іх уплыў на стан беларускага грамадства ў канцы XVI — першай палове XVII стагоддзяў, грамадская думка і культура XVI—XVIII стагоддзяў, шляхта Вялікага Княства Літоўскага ў XVI—XVII стагоддзях, гісторыя Беларусі другой паловы XX стагоддзя^[1].

Бібліяграфія

Удзел у калектыўных працах

• Мястэчкі ва ўладаннях каталіцкай царквы на тэрыторыі Беларусі ў сярэдзіне XVII—XVIII ст.: сацыяльна-эканамічнае развіццё. Мінск, 2021.
• Гісторыя Беларусі: дапаможнік. У 4 ч. Ч. 1: Ад старажытнасці да сярэдзіны XVI ст. Мінск, 2018.
• Становление и развитие белорусской государственности. Минск, 2011.
• Гісторыя Беларусі і сусветная цывілізацыя: дапаможнік. Мінск, 2008.
• Імёны ў гісторыі. Мінск, 1993.