Юрый Мікалаевіч Мікульскі

Юрый Мікалаевіч Мікульскі (нар. 1988, Мінск) — беларускі гісторык, публіцыст.

Юрый Мікалаевіч Мікульскі
Дата нараджэння	1988
Месца нараджэння	Мінск, Беларуская ССР, СССР
Род дзейнасці	гісторык
Месца працы	Беларуская энцыклапедыя імя Петруся Броўкі
Альма-матар	гістарычны факультэт Ягелонскага ўніверсітэта[d] (2011)

У Вікіпедыі ёсць артыкулы пра іншых людзей з прозвішчам Мікульскі.

Біяграфія

У 2011 годзе скончыў гістарычны факультэт Ягелонскага ўніверсітэта ў Кракаве (Польшча), атрымаў званне магістра.

З 2012 года — малодшы навуковы супрацоўнік Інстытута гісторыі Нацыянальнай акадэміі навук Беларусі^[1].

Навуковая дзейнасць

Аўтар шэрагу навуковых (навукова–папулярных) артыкулаў у беларускіх, польскіх і расійскіх выданнях. Сфера навуковых інтарэсаў: палітыка літоўскіх князёў і польскіх каралёў у дачыненні да рускіх зямель у XIII—XVII стагоддзях, праваслаўная царква пад уладай літоўскіх князёў у XIII—XV стагоддзях, старабеларуская літаратура XIV—XV стагоддзяў.

Гістарычныя погляды

У 2013 годзе выступіў з артыкулам, у якім заявіў аб сваёй нязгодзе з прапановамі грамадскасці аб узвяденні помніка князю Міндоўгу ў Навагрудку^[2]. У навуковым асяроддзі гэты артыкул атрымаў негатыўныя водгукі^[3][4].

Зноскі

1. Мікульскі Юрый Мікалаевіч. Пра аўтара (нявызн.). Беларуская думка, 2014 № 9, с. 86.
2. Увекавечанне міфа. Вакол помніка літоўскаму князю Міндоўгу ў Навагрудку (нявызн.). Беларуская думка, 2013 № 1, с. 69-76.
3. Блуканне па міфах (нявызн.). Беларуская думка, 2013 № 5, с. 84-86.
4. Нужен ли Новогрудку памятник Миндовгу? (руск.). Беларуская думка, 2013 № 5, с. 84-86.