Юрый Максімавіч Сохар

У Вікіпедыі ёсць артыкулы пра іншых людзей з прозвішчам Сохар.

Юрый Максімавіч Сохар (нар. 12 лістапада 1943(1943-11-12), Багатая Чарнешчына^[d], Харкаўская вобласць) — беларускі тэатразнавец, пісьменнік, драматург. Кандыдат мастацтвазнаўства (1978), прафесар.

Юрый Максімавіч Сохар
Дата нараджэння	12 лістапада 1943(1943-11-12) (81 год)
Месца нараджэння	Багатая Чарнешчына[d], Сахноўшчынскі раён, Харкаўская вобласць, УССР, СССР
Грамадзянства	Беларусь
Дзеці	Максім Юр’евіч Сохар
Адукацыя	Беларуская дзяржаўная акадэмія мастацтваў
Прафесія	тэатразнавец, пісьменнік, драматург
Тэатр	Нацыянальны акадэмічны тэатр імя Янкі Купалы Інстытут мастацтвазнаўства, этнаграфіі і фальклору імя Кандрата Крапівы НАН Беларусі Беларускі дзяржаўны ўніверсітэт культуры і мастацтваў Карлаў універсітэт
Член у	БСТД

Біяграфія

Нарадзіўся ў 1943 годзе ў вёсцы Багатая Чарнешчына Сахноўшчынскага раёна Харкаўскай вобласці. Бацька загінуў на Вялікай Айчыннай вайне.

Адслужыў у Савецкай Арміі. Скончыў Беларускі дзяржаўны тэатральна-мастацкі інстытут. Член КПСС з 1966 года.

Працаваў у Беларускім тэатры імя Янкі Купалы, Рэспубліканскім Доме работнікаў мастацтва, Інстытуце мастацтвазнаўства, этнаграфіі і фальклору НАН Беларусі. З 1981 года загадваў кафедрай рэжысуры і акцёрскага майстэрства ў Беларускім універсітэце культуры і мастацтваў, выкладаў у Карлавым універсітэце (Прага).

Член Беларускага саюза тэатральных дзеячаў з 1970 года^[1].

Творчасць

Даследчык беларускай камедыйна-сатырычнай драматургіі і яе ўвасаблення на сцэне, развіцця тэатральнай адукацыі і аматарскай творчасці ў Беларусі. Аўтар навукова-метадычных прац, падручнікаў для студэнтаў і педагогаў.

Мастацкая кніга «Светлы смутак» выйшла ў 2003 годзе. Даючы ёй адзнаку, Георгій Марчук адзначыў, што «спавядальная проза Ю. Сохара напісана ў лепшых традыцыях славянскіх літаратур і яе мастацкі ўзровень вельмі высокі».

У 2012 годзе ў суаўтарстве з Рычардам Смольскім выдаў драматургічны зборнік «Пераадоленне», у якім змешчана 10 арыгінальных п’ес, якія былі напісаны аўтарамі ў перыяд з 1978 па 1992 гады. П’есы Юрыя Сохара атрымалі сцэнічнае ўвасабленне ў прафесійных і аматарскіх тэатрах, на тэлебачанні і ў студыі радыётэатра.

Сям’я

Дачка Ганна. Сын Максім (1981—2025), акцёр і рэжысёр.

Літаратура

• Тэатральная Беларусь, энцыклапедыя: у 2 т., пад агул. рэд. праф. Сабалеўскага А. В.; рэдкал.: Г. П. Пашкоў (гал. рэд.) і інш., Т. 2, Л — Я. — Мінск: БелЭн, 2003. — 573 с., iл.