Юрый Пятровіч Голубеў

Юрый Пятровіч Голубеў (нар. у 1976 годзе) — беларускі фізік, педагог, кандыдат тэхнічных навук, дацэнт, рэктар Брэсцкага дзяржаўнага ўніверсітэта імя А. С. Пушкіна (з ліпеня 2023 года).

Юрый Пятровіч Голубеў
Дата нараджэння	1976
Грамадзянства	Беларусь  СССР
Род дзейнасці	выкладчык універсітэта
Месца працы	Полацкі дзяржаўны ўніверсітэт імя Ефрасінні Полацкай Брэсцкі дзяржаўны ўніверсітэт імя А. С. Пушкіна Міністэрства адукацыі Рэспублікі Беларусь
Навуковая ступень	кандыдат тэхнічных навук
Навуковае званне	дацэнт[d] дацэнт
Альма-матар	Полацкі дзяржаўны ўніверсітэт імя Ефрасінні Полацкай
Навуковы кіраўнік	Уладзімір Аляксеевіч Груздзеў

У Вікіпедыі ёсць артыкулы пра іншых людзей з прозвішчам Голубеў.

Біяграфічныя звесткі

Скончыў ў 1998 годзе радыётэхнічны факультэт Полацкага дзяржаўнага ўніверсітэта.

Дысертацыю на саісканне вучонай ступені кандыдата тэхнічных навук па спецыяльнасці «Электрафізіка, электрафізічныя ўстаноўкі» абараніў 27 чэрвеня 2003 года ў Полацкім дзяржаўным універсітэце. Тэма кандыдацкай дысертацыі: «Плазменныя крыніцы электронаў з пучкамі вялікага перасеку для электронна-прамянёвых тэхналогій». Навуковы кіраўнік — доктар тэхнічных навук, прафесар Уладзімір Аляксеевіч Груздзеў.

З 1998 па 2023 год працаваў ў Полацкім дзяржаўным універсітэце імя Ефрасінні Полацкай: з 1998 па 2000 год — інжынерам, з 2000 па 2003 год — асістэнтам, з 2003 па 2006 — старшым выкладчыкам, з 2006 — дацэнтам кафедры фізікі. З 2004 па 2006 год з'яўляўся намеснікам адказнага сакратара, затым — адказным сакратаром прыёмнай камісіі ўніверсітэта. З 2007 па 2017 год працаваў начальнікам вучэбна-метадычнага аддзела ўніверсітэта. З 2017 па 2023 год займаў пасаду прарэктара па вучэбнай рабоце Полацкага дзяржаўнага ўніверсітэта імя Ефрасінні Полацкай.

28 ліпеня 2023 года прызначаны на пасаду рэктара Брэсцкага дзяржаўнага ўніверсітэта імя А. С. Пушкіна.

Навуковая дзейнасць

Асноўныя навуковыя інтарэсы: энергаэфектыўныя электронна- і іённапрамянёвыя тэхналогіі на базе крыніц з плазменным эмітэрам, электродныя структуры, у якіх узбуджаецца газавы разрад, плазма газавага разраду, электронны пучок вялікага перасеку, узаемасувязь характарыстык разрадаў, параметраў і эмісійных уласцівасцяў эмітуючай плазмы, умоў пераключэння і паскарэння электронаў з газаразраднай плазме і параметраў пучка вялікага перасеку.

Узнагароды і прэміі

• Нагрудны знак Міністэрства адукацыі Рэспублікі Беларусь "Выдатнік адукацыі"
• Ганаровая грамата Міністэрства адукацыі Рэспублікі Беларусь
• Грамата Міністэрства адукацыі Рэспублікі Беларусь
• Ганаровая грамата Віцебскага абласнога выканаўчага камітэта
• Ганаровая грамата Полацкага дзяржаўнага ўніверсітэта
• Грамата Полацкага дзяржаўнага ўніверсітэта

Выбраная бібліяграфія

Вучэбныя выданні

• Электрычныя токі ў розных асяроддзях: у вадкасцях (электралітах). - Наваполацк : ПДУ, 2012.
• Заданні па фізіцы. – Наваполацк: ПДУ, 2010.
• Квантавая оптыка: міждысцыплінарны лабараторны практыкум. - Наваполацк: ПДУ, 2006.
• Задачы па фізіцы для самастойнай працы студэнтаў (з прыкладамі рашэнняў). - Наваполацк: ПДУ, 2004.
• Фотаэлектрычныя ўзаемадзеянні: вучэбны дапаможнік. - Наваполацк: ПДУ, 2000.

Спасылкі

• Біяграфія на сайце Полацкага дзяржаўнага ўніверсітэта
• Профіль аўтара ў Google Scholar