Ядзвіга Казіміраўна Яловічава

Ядзвіга Казіміраўна Яловічава (5 чэрвеня 1946, в. Аляксандрава, Мінскі раён, Мінская вобласць — 9 жніўня 2024) — беларускі географ, геолаг, палінолаг. Доктар геаграфічных навук (1992), кандыдат геолага-мінералагічных навук (1977), старшы навуковы супрацоўнік (1986), дацэнт (2008), прафесар (2016).

Ядзвіга Казіміраўна Яловічава
Дата нараджэння	5 чэрвеня 1946(1946-06-05)
Месца нараджэння	Аляксандрава, Навадворскі сельсавет, Мінскі раён, Мінская вобласць, Беларуская ССР, СССР
Дата смерці	9 жніўня 2024(2024-08-09)[1] (78 гадоў)
Грамадзянства	Беларусь
Род дзейнасці	выкладчыца ўніверсітэта
Месца працы	Інстытут геалагічных навук НАН Беларусі геаграфічны факультэт БДУ
Навуковая ступень	доктар геаграфічных навук
Альма-матар	Інстытут геахіміі і геафізікі АН БССР (1972) БДУ (1969)
Узнагароды	Ганаровая грамата Міністэрства адукацыі Рэспублікі Беларусь (2006)

Біяграфія

Скончыла Беларускі дзяржаўны ўніверсітэт (спецыяльнасць «Геаграфія», 1969), Беларускі навукова-даследчы геолагаразведачны інстытут (аспірантура, спецыяльнасць «Агульная і рэгіянальная геалогія», 1972).

Працавала ў Інстытуце геалагічных навук (1972—2003, галоўны навуковы супрацоўнік), Беларускім дзяржаўным універсітэце (з 2003, геаграфічны факультэт, кафедра фізічнай геаграфіі свету і адукацыйных тэхналогій, прафесар, у 2003—2017 — загадчык кафеды).

Навуковыя інтарэсы: стратыграфія; палеагеаграфія плейстацэна Беларусі.

Узнагароды

Ганаровая грамата Міністэрства адукацыі Рэспублікі Беларусь (2006) і інш.

Зноскі

1. https://geo.bsu.by/index.php/glavnye-novosti.html?view=article&id=2065:ushla-iz-zhizni-professor-yadviga-kazimirovna-elovicheva&catid=124