Якаў Раманавіч Вількін

Якаў (Ян) Раманавіч (Рувімавіч) Вількін (5 студзеня 1932, Віцебск — 22 кастрычніка 1997) — беларускі гісторык спорту.

Якаў Раманавіч Вількін
Дата нараджэння	5 студзеня 1932(1932-01-05)
Месца нараджэння	Віцебск, Беларуская ССР, СССР
Дата смерці	1997
Месца смерці	Мінск, Беларусь
Грамадзянства	СССР  Беларусь
Род дзейнасці	пісьменнік
Навуковая ступень	кандыдат гістарычных навук

У Вікіпедыі ёсць артыкулы пра іншых людзей з прозвішчам Вількін.

Біяграфія

У 1950 годзе скончыў Мінскае мастацкае вучылішча (зараз — Мінскі дзяржаўны каледж імя А. К. Глебава), у 1956 годзе — Беларускі інстытут фізічнай культуры (зараз — Беларускі дзяржаўны ўніверсітэт фізічнай культуры).

У 1956—1958 гг. працаваў інструктарам па фізічнай культуры і спорце Мінскага абласнога савета добраахвотнага спартыўнага таварыства «Буравеснік». У 1958—1961 гг. — інструктар, загадчык аддзела, старшыня райсавета Мінскага абласнога савета спартыўнага таварыства «Чырвоны Сцяг». У 1961—1997 гг. — выкладчык, загадчык кафедры (з 1978) Акадэміі фізічнага выхавання і спорту. У 1985—1997 гг. — член-карэспандэнт Міжнароднага камітэта па гісторыі спорту і фізічнага выхавання (ICOSH).

Збіраў, даследаваў і класіфікаваў беларускія народныя гульні. У 1960-я гады ўзначальваў фальклорна-этнаграфічныя экспедыцыі ў цэнтральныя, заходнія і паўднёвыя раёны Рэспублікі Беларусь.

Аўтар і суаўтар навуковых прац, падручнікаў па фізічнай культуры, даведнікаў па гісторыі фізкультурнага руху на Беларусі.

Памёр Якаў Раманавіч 22 кастрычніка 1997 года.

Зноскі