Яніна Каханоўская

Яніна Каханоўская (дзяв. Шабуня; 26 лістапада 1905, Мінск — 16 ліпеня 2005, Нью-Ёрк, ЗША) — беларуская грамадская дзяячка.

Яніна Каханоўская
Дата нараджэння	26 лістапада 1909(1909-11-26)
Месца нараджэння	Мінск, Мінскі павет, Мінская губерня, Расійская імперыя
Дата смерці	16 ліпеня 2005(2005-07-16) (95 гадоў)
Месца смерці	Нью-Ёрк, штат Нью-Ёрк, ЗША
Бацька	Аляксандр Апалінаравіч Шабуня[d]
Маці	Эмілія Луцкевіч[d]
Муж	Вадзім Каралёў[d], Лявон Федаровіч[d] і Аўген Калубовіч
Дзеці	Юлія Каханоўская[d] і Элеанора Каханоўская[d]
Член у	Беларуска-амерыканскае задзіночанне Беларускі інстытут навукі і мастацтва ў Нью-Ёрку

У Вікіпедыі ёсць артыкулы пра іншых людзей з прозвішчам Каханоўская.

У Вікіпедыі ёсць артыкулы пра іншых людзей з прозвішчам Шабуня.

Біяграфія

Нарадзілася ў сям’і Аляксандра Апалінаравіча Шабуні і Эміліі з Луцкевічаў, малодшай дачкі Яна Баляслава, сястры беларускіх дзеячаў Івана і Антона Луцкевічаў. Мела малодшага брата Эдварда^[1]. У першым шлюбе з Вадзімам Каралёвым, пара разышлася пасля здрады мужа. Каралёў ажаніўся другі раз з архітэктарам Наталляй Макляцовай. Другі муж Яніны, Лявон Федаровіч, шмат выпіваў^[1].

Яніна Шабуня з маці Эміліяй каля дома Луцкевічаў у Мінску. 1940-я.

Скончыла Мінскую польскую гімназію і агульнаадукацыйныя курсы, працавала медыцынскай лабаранткай^[2].

З 1944 года ў эміграцыі, спачатку ў Германіі, потым у ЗША. Пасялілася ў Нью-Ёрку^[2]. Узяла сабе і дзецям прозвішча Каханоўская ад Аўгена Калубовіча (Каханоўскага), хоць шлюбу яны не афармлялі^[1].

Брала ўдзел у дзейнасці БАЗА (сакратар Галоўнай управы), уваходзіла ў кіраўніцтва жаночых структураў арганізацыі, а таксама ва ўправы Нью-Ёркскага і Манхэтанскага аддзелаў. Сябра рэдкалегіі газеты «Беларус» і БІНІМа^[2].

Памерла 16 ліпеня 2005 года. Пахаваная разам з маці ў Іст-Брансуіку на могілках царквы Жыровіцкай Божай Маці БАПЦ.

Сям’я

Ад першага шлюбу з Вадзімам Каралёвым мела дачку Юлію (у шлюбе Андрусішына). Ад другога мужа Лявона Федаровіча мела дачку Элеанору (у шлюбе Норык). З Аўгенам Калубовічам (Каханоўскім) дзяцей не мела. Сын дачкі Юліі, Данчык (Багдан Андрусішын), стаў вядомым беларускім спеваком^[1].

Зноскі

1. Родавы пярсцёнак Луцкевічаў. 10.10.2015
2. Юрэвіч, Л. Шматгалосы эпісталярыум : гісторыя людзей і ідэй на эміграцыі ў ліставанні / Прадм. і рэд. Н. Гардзіенка. — Мінск: Кнігазбор, 2012. — 660 с. — (Бібліятэка Бацькаўшчыны ; кн. 20). — ISBN 978-985-7007-43-1.