Ян Непамуцэн Дашкевіч-Кундзіч

У Вікіпедыі ёсць артыкулы пра іншых людзей з прозвішчам Дашкевіч.

Ян Непамуцэн Дашкевіч-Кундзіч (польск.: Jan Nepomucen Deszkiewicz-Kundzicz; 4 ці 7 ліпеня 1796 — 15 чэрвеня 1869) — каталіцкі святар, магістр тэалогіі Віленскага ўніверсітэта. Апроч таго, напісаў некалькі прац па граматыцы польскай мовы, якія, аднак, не мелі вартасці і былі раскрытыкаваныя ўжо сучаснікамі.

Ян Непамуцэн Дашкевіч-Кундзіч
Род дзейнасці	мовазнавец, бібліятэкар, прэсвітар, літаратар, граматык
Дата нараджэння	1796[1][2] ці 1800[3]
Месца нараджэння	Літва[4]
Дата смерці	15 чэрвеня 1869(1869-06-15)[4]
Месца смерці	Ланьцут, Ланьцуцкі павет, Падкарпацкае ваяводства, Польшча[4]
Месца пахавання	Q132131861?
Альма-матар	Імператарскі Віленскі ўніверсітэт
Член у	Кракаўскае навуковае таварыства[d][4]
Медыяфайлы на Вікісховішчы

Біяграфія

Сын Францішка і Марыі, пляменнік біскупа Тадэвуша Кундзіча, вікарнага епіскапа Трокаў. Каля 1830 года быў пробашчам у Ашмянах. Удзельнік паўстання 1830—1831 гадоў. Пасля яго задушэння трапіў у Галіцыю, да лістапада 1833 года працаваў у бібліятэцы Асалінскіх (Асалінеум) у Львове. Пазней хаваўся ў Ланьцуце ў графа Альфрэда Патоцкага^[pl], які ўзяў Кундзіча настаўнікам для сваіх дзяцей і бібліятэкарам. Менавіта там ён узяў прозвішча Дашкевіч.

З 1849 года сябра Навуковага таварыства ў Кракаве.

Пахаваны на муніцыпальных могілках у Ланьцуце.

Працуючы ў бібліятэцы Патоцкіх у Ланцуце, ён распачаў актыўную пісьменніцкую дзейнасць, асабліва ў вобласці польскай граматыкі. Працы: Дысертацыя пра польскую мову і яе граматыку (Львоў, 1843), Зборнік адказаў рэцэнзентам на граматыку польскай мовы (Львоў, 1853), Пра польскую арфаграфію (Кракаў, 1869). Гэтыя працы, поўныя фантастычных ідэй (напрыклад, аднаўленне падвойнага ліку ў польскай мове), не мелі рэальнай каштоўнасці і былі крытычна ацэнены сучаснікамі. Спрабаваў сябе таксама ў паэзіі і драматургіі (камедыя «Лелум»). Усе свае творы, выдадзеныя друку, а таксама рукапісы, ён перадаў у дар Ягелонскай бібліятэцы^[pl], дзе яны знаходзяцца і дагэтуль.

Зноскі

1. Jan Nepomucen Deszkiewicz-Kundzicz // NUKAT — 2002.

   <a href='https://wikidata.org/wiki/Track:Q11789729'></a>
2. Jan Nepomucen Deszkiewicz // MAK

   <a href='https://wikidata.org/wiki/Track:Q105192847'></a>
3. Dr. Constant v. Wurzbach Deszkiewicz, Johann Nepomuk // Biographisches Lexikon des Kaiserthums Oesterreich: enthaltend die Lebensskizzen der denkwürdigen Personen, welche seit 1750 in den österreichischen Kronländern geboren wurden oder darin gelebt und gewirkt haben — Wien: 1856. — Т. 3. — S. 263.

   <a href='https://wikidata.org/wiki/Track:Q88650515'></a><a href='https://wikidata.org/wiki/Track:Q665807'></a><a href='https://wikidata.org/wiki/Track:Q25856'></a>
4. http://tnk.krakow.pl/czlonkowie/deszkiewicz-kundzicz-jan-nepomucen/ Праверана 30 жніўня 2022.