Яраслаў Іванавіч Клімуць

Яраслаў Іванавіч Клімуць (нар. 10 студзеня 1940, в. Вострава, Ваўкавыскі раён, Беластоцкая вобласць — 18 чэрвеня 2022, Магілёў) — беларускі літаратуразнавец.

Яраслаў Іванавіч Клімуць
Асабістыя звесткі
Дата нараджэння	10 студзеня 1940(1940-01-10)
Месца нараджэння	Вострава, Беларусь
Дата смерці	18 чэрвеня 2022(2022-06-18) (82 гады)
Месца смерці	Магілёў, Магілёўская вобласць, Беларусь
Дзеці	Лада Яраславаўна Клімуць і Жанна Яраславаўна Клімуць[d]
Альма-матар	філалагічны факультэт БДУ (1967)
Месца працы	МДУ імя А. А. Куляшова
Прафесійная дзейнасць
Род дзейнасці	літаратуразнавец
Грамадская дзейнасць
Член у	Саюз беларускіх пісьменнікаў Беларускі саюз літаратурна-мастацкіх крытыкаў
Узнагароды	Ганаровая грамата Міністэрства адукацыі Рэспублікі Беларусь (1998)

У Вікіпедыі ёсць артыкулы пра іншых людзей з прозвішчам Клімуць.

Біяграфія

Нарадзіўся 10 студзеня 1940 года ў в. Вострава Ваўкавыскага раёна Беластоцкай вобласці.

У 1959—1962 гадах служыў у войску, у 1962—1967 гадах вучыўся ў на філалагічным факультэце Беларускага дзяржаўнага ўніверсітэта па спецыяльнасці «Беларуская мова і літаратура. Руская мова і літаратура». У 1972—1977 гадах навучаўся ў аспірантуры Інстытута літаратуры імя Янкі Купалы Акадэміі навук БССР. З 1975 года пачаў працаваць старшым выкладчыкам кафедры беларускай літаратуры Магілёўскага дзяржаўнага педагагічнага інстытута. У 1979 годзе абараніў кандыдацкую дысертацыю па тэме «Якуб Колас і руская савецкая паэзія». З 1982 года дацэнт. З 1986 года па 2000 год — дэкан філалагічнага факультэта Магілёўскага дзяржаўнага педагагічнага інстытута^[1]. Пазней працаваў дацэнтам на кафедры англійскага, агульнага і славянскага мовазнаўства Магілёўскага дзяржаўнага ўніверсітэта імя Аркадзя Куляшова.

Член Саюза беларускіх пісьменнікаў з 1996 года, член Беларускага саюза літаратурна-мастацкіх крытыкаў з 1999 года.

Творчасць

Сфера навуковых інтарэсаў — тэорыя літаратуры, гісторыя беларускай літаратуры і літаратурнай крытыкі, супастаўляльнае літаратуразнаўства, краязнаўства^[2]. Даследчык творчасці Якуба Коласа^[3]. Меў больш за 150 навуковых і вучэбна-метадычных публікацый.

Сям’я

Дачка Лада — кандыдат гістарычных навук, дацэнт кафедры ўсеагульнай гісторыі Магілёўскага дзяржаўнага ўніверсітэта імя Аркадзя Куляшова^[4]; дачка Жанна — супрацоўніца Магілёўскага абласнога краязнаўчага музея^[5].

Узнагароды

• ганаровыя граматы Міністэрства адукацыі Рэспублікі Беларусь (1982, 1998),
• ганаровая грамата Саюза беларускіх пісьменнікаў (1999),
• ганаровая грамата Дзяржаўнага літаратурна-мемарыяльнага музея Якуба Коласа (2004).

Зноскі

Памылка Lua у Модуль:External_links на радку 45: assign to undeclared variable 'link'.

1. Яраслаў Іванавіч Клімуць. Магілёўскі дзяржаўны ўніверсітэт імя Аркадзя Куляшова(недаступная спасылка)
2. Клімуць Яраслаў Іванавіч Архівавана 30 студзеня 2021.
3. Наведванне Магілёўскага абласнога краязнаўчага музея (06.11.2013)
4. Климуть Лада Ярославовна
5. Студенты историко-филологического факультета присутствовали на открытии юбилейной выставки(недаступная спасылка)