Яўген Васілевіч Мікульчык

Яўген Васілевіч Мікульчык (20 жніўня 1932, Міжрэчча, Пухавіцкі раён, Мінская вобласць — 19 кастрычніка 2015, Мінск) — беларускі грамадскі дзеяч, генерал-лейтэнант.

Яўген Васілевіч Мікульчык
Дата нараджэння	20 жніўня 1932(1932-08-20)
Месца нараджэння	Міжрэчча, Пухавіцкі сельсавет, Пухавіцкі раён, Беларуская ССР, СССР
Дата смерці	19 кастрычніка 2015(2015-10-19) (83 гады)
Месца смерці	Мінск, Беларусь
Альма-матар	Ваенна-палітычная акадэмія імя У. І. Леніна[d] (1968) Пухавіцкая сярэдняя школа (1952) курсы «Выстрал»[d]
Грамадзянства	Беларусь
Званне	генерал-лейтэнант
Узнагароды і званні

У Вікіпедыі ёсць артыкулы пра іншых людзей з прозвішчам Мікульчык.

Біяграфія

У 1952 годзе скончыў Пухавіцкую сярэднюю школу. У 1954 годзе Ленінградскае артылерыйскае вучылішча, 1955 годзе курсы перападрыхтоўкі афіцэраў пры Томскім зенітна-артылерыйскім вучылішчы, 1968 годзе Ваенна-палітычную акадэмію імя Леніна, 1972 годзе Вышэйшыя афіцэрскія курсы «Выстрал».

Праходзіў службу ў Прыкарпацкай, Сібірскай, Забайкальскай, Далёкаўсходняй ваенных акругах. Прайшоў усе ступені вайсковай службы: ад камандзіра ўзвода да члена Ваеннага Савета — начальніка палітупраўлення Сібірскай ваеннай акругі.

Дзейнасць

Быў старшынёй Рэспубліканскага грамадскага аб’яднання «Беларускі саюз афіцэраў» і старшынёй Камісіі па справах былых партызан і падпольшчыкаў Вялікай Айчыннай вайны 1941—1945 гадоў пры Савеце Міністраў Рэспублікі Беларусь (з 1997 года)^[1].

Узнагарод

Узнагароджаны ордэнамі Чырвонай Зоркі, Працоўнага Чырвонага Сцяга, «За службу Радзіме» III ступені, 15 медалямі.

Зноскі

1. Пастанова Савета Міністраў Рэспублікі Беларусь ад 20.10.1997 N 1392 «Аб Камісіі па справах былых партызан і падпольшчыкаў Вялікай Айчыннай вайны 1941—1945 гадоў пры Савеце Міністраў Рэспублікі Беларусь»