Яўген Піліпавіч Алонаў

Яўген Піліпавіч Алонаў (1875 — 23 снежня 1929) — беларускі ветэрынарны ўрач, грамадскі дзеяч, адзін з арганізатараў ветэрынарнай справы ў Беларусі, Герой Працы (1924), першы рэктар Віцебскага ветэрынарнага інстытута.

Яўген Піліпавіч Алонаў
Дата нараджэння	1875
Месца нараджэння	Гарадоцкі павет, Віцебская губерня, Расійская імперыя
Дата смерці	23 снежня 1929(1929-12-23)
Грамадзянства	Расійская імперыя  СССР
Род дзейнасці	навуковец
Навуковая сфера	ветэрынарыя
Месца працы	Віцебскі ветэрынарны інстытут
Альма-матар	Варшаўскі ветэрынарны інстытут[d]
Вядомы як	першы рэктар Віцебскага ветэрынарнага інстытута
Узнагароды	Герой Працы (1924)

Біяграфія

Я. Ф. Алонаў нарадзіўся ў 1875 годзе ў Гарадоцкім павеце Віцебскай губерні (сучасны Гарадоцкі раён Віцебскай вобласці Беларусі). Пасля заканчэння ў 1903 годзе Варшаўскага ветэрынарнага інстытута працаваў участковым ветэрынарным урачом у Гарадоцкім павеце.

У 1913 годзе арганізаваў у Віцебску першую ў Беларусі ветэрынарную лабараторыю, у 1918 — ветэрынарна-заалагічны музей. У 1914 г. арганізаваў экспедыцыйнае абследаванне жывёлагадоўлі Віцебскай губерні.

У 1924 годзе па ініцыятыве Я. П. Алонава адкрыты Віцебскі ветэрынарны інстытут, першым рэктарам якога ён і стаў, адначасова ўзначальваючы ветэрынарнае кіраванне Наркамзямлі БССР. Быў членам ЦВК БССР у 1925—1929 гг.

Я. П. Алонаў ініцыятар распрацоўкі «Ветэрынарнага кодэкса БССР», стварэння Віцебскага батанічнага сада, музея анатоміі, арніталогіі і энтамалогіі. Асноўная праца — «Віцебская губерня ў ветэрынарна-санітарным дачыненні (1903—1910)» (1912).

Дом урача Алонава

Дом урача Алонава

Дом Я. Алонава знаходзіўся на вул. Путна, 5 і быў увекавечаны ў карціне М. Шагала «Над горадам»^[1][2][3]

Зноскі

1. Дом врача Алонова Архівавана 4 лістапада 2016. (руск.)
2. «Желтый дом» в Витебске (фотофакт)(недаступная спасылка) (руск.)
3. На витебской улице в честь военкома живут «партизаны» Архівавана 24 кастрычніка 2017. (руск.)