Яўген Трафімавіч Чарвякоў

Яўген Трафімавіч Чарвякоў (24 студзеня 1925, г. п. Шуміліна — 30 мая 2016^[1]) — беларускі працаўнік чыгункі, Герой Сацыялістычнай Працы (1976).

Яўген Трафімавіч Чарвякоў
Дата нараджэння	24 студзеня 1925(1925-01-24)
Месца нараджэння	Шуміліна, Сіроцінскі раён, Віцебская акруга, Беларуская ССР, СССР
Дата смерці	30 мая 2016(2016-05-30) (91 год)
Грамадзянства	СССР  Беларусь
Месца працы	БЧ
Партыя	КПСС
Узнагароды і прэміі

У Вікіпедыі ёсць артыкулы пра іншых людзей з прозвішчам Чарвякоў.

Біяграфія

Працоўную дзейнасць пачаў у 1942 годзе памочнікам машыніста паравоза ў лакаматыўным дэпо Арэнбург. З кастрычніка 1943 года — у франтавой калоне № 96 асобага рэзерва НКПС на другім і 4-м Украінскіх франтах, затым да 1947 года — на Омскай чыгунцы.

З 1947 года — у лакаматыўным дэпо Віцебск (памочнік машыніста паравоза, машыніст паравоза і цеплавоза, а з 1976 года — машыніст-інструктар).

Выбіраўся дэлегатам XXIV і XXVI з’ездаў КПСС.

Звання Героя Сацыялістычнай Працы ўдастоены 5 сакавіка 1976 года за поспехі ў выкананні заданняў 9-й пяцігодкі^[2].

Узнагароды

• Герой Сацыялістычнай Працы (1976).
• Ордэн Леніна (03.05.1976)
• Ордэн Працоўнага Чырвонага Сцяга (05.04.1971)
• Медаль «За працоўную адзнаку» (08.01.1953)
• Медаль «За доблесную працу ў Вялікай Айчыннай вайне 1941—1945 гг.»
• «Выдатны работнік Беларускай чыгункі»
• «Ганаровы чыгуначнік» (1971)

Зноскі

1. Пальвинская, Софья Тарасовна Червяков Евгений Трофимович
2. ЧАРВЯКОЎ ЯЎГЕН ТРАФІМАВІЧ (нявызн.)(недаступная спасылка). Архівавана з першакрыніцы 28 сакавіка 2020. Праверана 28 сакавіка 2020.