Яўген Юр’евіч Валошын

У Вікіпедыі ёсць артыкулы пра іншых людзей з прозвішчам Валошын.

Яўген Юр’евіч Валошын (нар. 1986, Мінск) — беларускі музыкант і журналіст.

Яўген Валошын
Яўген Валошын, 2008 год
Асноўная інфармацыя
Поўнае імя	Яўген Юр’евіч Валошын
Дата нараджэння	17 сакавіка 1986(1986-03-17) (39 гадоў)
Месца нараджэння	Мінск, Беларуская ССР, СССР
Альма-матар	ліцэй БДУ факультэт журналістыкі БДУ
Месца працы	Еўрарадыё Камсамольская праўда Звязда
Музычная дзейнасць
Прафесіі	музыкант, журналіст
Інструменты	Гітара
Жанры	Поп-рок, рэгі
Калектывы	Jab Club (з 2009 HandmadE)
Лэйблы	Panda Promotion

Біяграфія

Нарадзіўся ў Мінску ў 1986 годзе. Навучаўся ў беларускамоўнай школе № 84. У 2004 годзе скончыў Ліцэй БДУ. У 2009 — Інстытут журналістыкі БДУ. Пасля працаваў у «Еўрапейскім радыё для Беларусі» ды газеце «Камсамольская праўда». У 2010—2011 гадах узначальваў аддзел журналісцкіх расследаванняў у газеце «Звязда».

Узнагароджваўся за лепшыя журналісцкія расследаванні на конкурсе «Вольнае слова» за 2009^[1] і 2010^[2] гады. Пасля выдання 3 кастрычніка 2009 года яго першага ўганараванага артыкула «У Беларусі легальна прадаюць наркотыкі?»^[3] у краіне забаранілі продаж спайсу. Другую ўзнагароду прысудзілі адразу за 2 артыкулы «Як мы куплялі машыну ў Нямеччыне»^[4][5] і «Бітва за роднае слова»^[6][7][8].

Вёў ток-шоу «План Б» на тэлеканале «Белсат»^[9], цяпер вядзе перадачу «Карані праблемаў»^[10].

Займаецца тайскім боксам ды стаўся прызёрам студэнцкага першынства Беларусі 2009 года. З 2008 года грае, спявае ды піша музыку ў гурце Jab Club (з 2009-га^[11] — HandMade).