Яўгенія Аляксееўна Сап’янік

Яўгенія Аляксееўна Сап’янік (нар. 15 студзеня 1941, г. Мінск) — беларускі архітэктар.

Яўгенія Аляксееўна Сап’янік
Дата нараджэння	15 студзеня 1941(1941-01-15) (84 гады)
Месца нараджэння	Мінск, Мінская вобласць, Беларуская ССР, СССР
Грамадзянства	Беларусь
Альма-матар	БПІ (1964)
Месца працы	Мінскпраект
Член у	Саюз архітэктараў СССР Беларускі саюз архітэктараў
Узнагароды	Прэмія Міністэрства архітэктуры і будаўніцтва Рэспублікі Беларусь імя У. А. Караля[d] (2000)

У Вікіпедыі ёсць артыкулы пра іншых людзей з прозвішчам Сап’янік.

Біяграфія

Скончыла ў 1964 годзе Беларускі політэхнічны інстытут. З 1964 года — архітэктар, кіраўнік групы архітэктараў, галоўны архітэктар праектаў у Мінскпраекце.

Творчасць

Асноўныя працы (у аўтарскіх калектывах): праекты забудовы мікрараёнаў па вул. Адоеўскага (1965), Усход-2 (1966), Серабранка-1, −7 (1965—1975), Харкаўская-5 (1976), Масюкоўшчына-1, −2 (1978), па вул. Енісейскай (1979), Ангарскай (1980), Захад-3, −4, −5 (1979—1980), Вяснянка (1983—1987), квартал Солтыса-Ваўпшасава (1987), Уручча-4, −5, −6 (1986—1990, 2005), г.п. «Хмелеўка» (1992), Сухарава-2, −4, −5 (1997—2005), Лошыца-3 (2003—2005).

Член Саюза архітэктараў СССР з 1968 года.

Пражывае ў Мінску па вул. М. Багдановіча, 6.

Узнагароды

Узнагароджана Ганаровай граматай Прэзідыума Вярхоўнага Савета БССР (1985); дыпломам лаўрэата прэміі імя У. А. Караля Міністэрства архітэктуры і будаўніцтва Рэспублікі Беларусь (2000).

Зноскі