1-я асобная танкавая брыгада (Украіна)

1-я асобная танкавая Северская брыгада (укр.: 1-ша окрема танкова Сіверська бригада) — фарміраванне танкавых войскаў у складзе Сухапутных войскаў Узброеных Сіл Украіны. Па арганізацыйна-штатнай структуры ўваходзіць у склад АК «Поўнач».

1-я асобная танкавая Северская брыгада
Нарукаўны знак 1-й танкавай брыгады.
Гады існавання	1997 — наш час
Краіна	Украіна
Падпарадкаванне	Сухапутныя войскі Украіны
Уваходзіць у	Аператыўнае камандаванне «Поўнач»
Тып	Танкавыя войскі Украіны
Дыслакацыя	пгт. Ганчароўскае, Чарнігаўская вобласць
Мянушка	Северская
Удзел у	Узброены канфлікт на ўсходзе Украіны, Уварванне Расіі ва Украіну (2022)
Камандзіры
Дзеючы камандзір	палкоўнік Леанід Аляксеевіч Хода

Гісторыя

У 1997 годзе ў пасёлку Ганчароўскае на базе 292-га гвардзейскага танкавага палка 72-й гвардзейскай механізаванай дывізіі была створана 1-я асобная танкавая брыгада.

Вайна на ўсходзе Украіны

1-я асобная танкавая Северская брыгада на ўсходзе Украіны.

З сакавіка 2014 удзельнічала ў Данбаскім канфлікце. Брыгада была размешчана ў раёне Глухава, Прылукі, пазней — пад Ярмалінцы, каля мяжы з Расіяй^[1].

12 лютага 2015, падчас баёў за Дэбальцава, рота 1-й танкавай брыгады капітана Аляксандра Мароза была накіравана ў раён Логвінава. У ёй з пяці танкаў Т-64БМ «Булат» на заданне выйшлі тры. Машыны выйшлі з сяла Луганскага і прыкрывалі левы фланг сіл 30-й брыгады, ішлі на Логвінава. Паводле афіцыйнай украінскай інфармацыі, танкісты ў 20-хвілінным баі ліквідавалі не менш трох варожых танкаў Т-72^[2].

Станам на 10 студзеня 2021 года брыгада падчас АТА страціла загінулымі 59 чалавек^[3][4].

Структура

Арганізацыйна, асобная танкавая брыгада складаецца з танкавых батальёнаў, механізаванага батальёна, брыгаднай артылерыйскай групы, зенітна-ракетнага дывізіёна, рэактыўнага дывізіёна, падраздзяленняў забеспячэння:

• Упраўленне, штаб
• 1-ы танкавы батальён
• 2-і танкавы батальён
• 3-і танкавы батальён
• Механізаваны батальён
• Брыгадная артылерыйская група
  • батарэя кіравання і артылерыйскай разведкі
  • самаходны артылерыйскі дывізіён
  • самаходны артылерыйскі дывізіён
  • рэактыўны артылерыйскі дывізіён
• Зенітны ракетна-артылерыйскі дывізіён
• Разведвальная рота
• Палявы вузел сувязі
• Група інжынернага забеспячэння
• Група матэрыяльнага забеспячэння
• Рамонтна-аднаўленчы батальён
• Медыцынская рота
• Рота РХБ абароны
• Каменданцкі ўзвод
• Узвод снайпераў
• Пажарны ўзвод

Узбраенне і ваенная тэхніка

Т-64БВ 1-й асобнай танкавай Северскай брыгады падчас вучэнняў.

1-я танкавая брыгада — адзіная ва Узброеных Сілах Украіны, на ўзбраенні якой знаходзяцца мадэрнізаваныя ўкраінскія танкі Т-64БМ «Булат». Баявыя машыны аснашчаны высокадакладнай зброяй і сучаснымі кіраванымі ракетамі «Камбат», маюць магутныя рухавікі, сістэмы дынамічнай абароны і навядзення.

• Т-64БВ
• Т-64БМ «Булат»
• БМП-1
• 2С6 «Тунгуска»

Гісторыя назвы

18 лістапада 2015, у рамках агульнавайсковай рэформы, Указам Прэзідэнта Украіны Пятра Парашэнкі была зацверджана назва вайсковай часці — 1 асобная гвардзейская танкавая брыгада замест ранейшай назвы — 1 асобная гвардзейская танкавая Наўгародская ордэнаў Чырвонага Сцяга, Кутузава, Багдана Хмяльніцкага, Аляксандра Неўскага і Чырвонай Зоркі брыгада^[5].

22 жніўня 2016, у рамках агульнавайсковай рэформы, чарговым указам прэзідэнт выключыў з ужывання гвардзейскае званне^[6].

23 жніўня 2017, з мэтай аднаўлення гістарычных традыцый нацыянальнай арміі адносна назваў вайсковых часцей, з прычыны узорнага выканання пастаўленых задач, высокія паказчыкі ў баявой падрыхтоўцы і па нагоды 26-й гадавіны незалежнасці Украіны, брыгадзе было прысвоена ганаровае найменне «Северская». 24 жніўня 2017, на парадзе да Дня незалежнасці Украіны, брыгада атрымала баявы сцяг^[7].

Кіраўніцтва

• (2013) палкоўнік Грыцкоў Андрэй Мікалаевіч^[8][9]
• палкоўнік Аляксей Зобнін (2014)
• палкоўнік Сяргей Маленка (з 2014 — в. а. камбрыга, зацверджаны ад 2016)
• (2017) палкоўнік Алег Білічэнка^[10]
• (2019) падпалкоўнік Юрый Межакаў
• (2020) падпалкоўнік Леанід Хода