100-я Глуская партызанская брыгада

100-я Глуская партызанская брыгада — партызанская брыгада, створаная 6 верасня 1943 года. Дзейнічала на тэрыторыі Глускага і Акцябрскага раёнаў. 28 чэрвеня 1944 года брыгада (512 партызан, тры атрады) злучылася з Чырвонай Арміяй.

100-я Глуская партызанская брыгада
Гады існавання	1943—1944
Краіна	СССР  Беларуская ССР
Падпарадкаванне	Беларускі штаб партызанскага руху
Уваходзіць у	Палескае партызанскае злучэнне
Тып	партызаны
Функцыя	змаганне з акупантамі
Колькасць	512 партызан (28.6.1944)
Дыслакацыя	Глускі, Акцябрскі раёны
Войны	Другая сусветная вайна Вялікая Айчынная вайна
Удзел у	Вялікая Айчынная вайна
Камандзіры
Вядомыя камандзіры	І. М. Кулікоўскі

Гісторыя

Баявыя дзеянні партызаны праводзілі на чыгуначным участку Калінкавічы — Лунінец і на шашэйных дарогах. Правялі больш за 140 адкрытых і засадных баёў, у выніку разбілі нямецкія гарнізоны ў вёсках Бярозаўка, Касарычы, Катка Глускага, Альбінск, Ламавічы Акцябрскага раёнаў. 8 верасня 1943 года на чыгуначным участку Калінкавічы — Пціч падарвалі каля 700 рэек. Атрад імя Будзённага за час дзейнасці падарваў 16 эшалонаў, 38 аўтамашын, 2 цягачы, 2 бронетранспарцёры, знішчыў 18 км тэлефонна-тэлеграфнай лініі. У красавіку 1944 года брыгаду блакіравалі карнікі. У выніку 14-дзённых баёў партызаны прарвалі блакаду.

Склад

• атрад Б. М. Кулікова (пазней імя Будзённага, арганізаваны ў красавіку 1942 года);
• атрад П. Я. Ігуменава (пазней «За Савецкую Радзіму», арганізаваны ў студзені 1942 года на базе групы А. Г. Балахонава, якая дзейнічала з 1941 года);
• атрад І. А. Бабіча (пазней імя Калініна, арганізаваны ў студзені 1943 года).

Камандаванне

Камандзір

• І. М. Кулікоўскі.

Камісары

• А. Я. Жулега;
• Дз. Н. Удалой;
• П. Р. Чарнушын.

Начальнік штаба

• Ігуменаў.

Літаратура

• Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — 680 с. — 20 000 экз. — ISBN 5-85700-012-2.