Cyruĺnia Svietu

Cyruĺnia Svietu – дэбютны студыйны самотнік беларускага гурта інтэлігентнага року Bristeil, выдадзеным 26 мая 2014 года.^[5][6] Першы яго трэк «Heta Mahčyma» быў выпушчаны як сінгл 2 снежня 2013 года.^[7][8] Усе чатыры спева былі напісаны Алегам Вялем на беларускай мове.

Cyruĺnia Svietu
EP Bristeil
Дата выпуску	май 26, 2014 (2014-05-26)
Запісаны	2013–2014
Жанр	поп-рок,[1][2] інды-рок[3]
Працягласць	17:07
Мова песень	беларуская
Прафесійныя рэцэнзіі
Тузін Гітоў [1] Будзьма беларусамі! [4]
Сінглы з Cyruĺnia Svietu
«Heta Mahčyma» Выпушчаны: 2 снежня 2013 года
Храналогія Bristeil
Cyruĺnia Svietu Muzyka Hučyć (2014)

Перадумовы і выпуск

На сваім трэцім выступленні на штогадовым фестывалі «Акустыка вясны», якое адбылося 1 сакавіка 2013 года, гурт Hair Peace Salon даў паслухаць са сцэны свой свежы матэрыял, які пазней будзе афіцыйна выдадзены на самотніку Cyruĺnia Svietu пад знакам аўтарскага права Bristeil: новую песню на беларускай мове «Nieba Abraz» і хіт амерыканскай спявачкі Ланы Дэль Рэй «Video Games  (руск.)» (апошні з іх будзе на самой справе пераспяваны і стане адзінай кавер-версіяй папулярнага спева на беларускай мове).^{[9][10][11][12][13][14][15][16][17]} Спеў «Nieba Abraz» таксама будзе выкананы Hair Peace Salon ужывую зноў 31 сакавіка 2013 года падчас сумеснага канцэрта з гуртам Clover Club ў мінскім клубе «TNT».^{[18][19][20][21][22][23][24][25]}

Першая песня новага музычнага праекта Алегам Вяля^[26][27] «Heta Mahčyma» была прадстаўлена на Еўрапейскім радыё для Беларусі 2 снежня 2013 года.^[7][8] Гэта стала дэбютнай працай яго новага гурта Bristeil.^{[28][29][30][31]} Самотнік цалкам будзе выдадзены праз лічбавыя платформы праз палову года.^{[6][32][33][34][35][36]} Франтмен Bristeil Алег Вяль апавёў пра гэты EP ў каментары да выпуску на афіцыйным сайце калектыву, што:

«Cyruĺnia Svietu» – трыб’ют Hair Peace Salon, таму што ўсе ідэі наконт музыкі і лірыкі на гэтым запісу прыйшлі з часоў Hair Peace Salon.[37]

Дзве з чатырох кампазіцый на гэтым самотніку з’яўляюцца беларускамоўнымі кавер-версіямі: «Videa Huĺni» на хіт Ланы Дель Рэй «Video Games», «Pa-za Časam» на песню «Out Of Time» Hair Peace Salon з альбома Gentleman.^[38]

Прыём крытыкаў

Рэліз атрымаў у асноўным станоўчае асвятленне ў прэсе. Гэты EP з’яўляецца прыкметай заканчэння аднаго і нараджэння іншага этапа ў музыцы, адзначаў Ілля Маліноўскі з музычнага партала experty.by у сваім артыкуле.^[39] Сяргей Будкін, рэдактар Тузін Гітоў, у сваім аглядзе самотніка апісаў гэты рэліз, як:

Прыемная музыка, ненапружная, жывая, інтэлігентная... Выдатны і годны дэбют, варты найвышэйшай адзнакі.[1]

Першы EP дапамог гурту атрымаць намінацыю ў катэгорыі «Адкрыццё года» ад найбуйнейшага беларускага музычнага партала Тузін Гітоў і прыняць удзел у шоу ўзнагарод «Героі года – 2014», што адбылося 12 снежня 2014 года.^{[40][41][42][43][44][45][40]}

Пацешныя факты

EP быў выпушчаны ў той час, калі група насіла назву «Брыстоль» (англ.: Bristol) да свайго перайменавання ў Bristeil у верасні 2014 года.^[46]

Спіс кампазіцый

Музыка і словы песень Алега Вяля.^[37]

№	Назва	Працягласць
1.	«Heta Mahčyma»	3:29
2.	«Nieba Abraz»	5:30
3.	«Pa-za Časam» (кавер Hair Peace Salon)	3:20
4.	«Videa Huĺni» (кавер Ланы Дель Рэй)	4:40
17:07

Удзельнікі

Bristeil:

• Алег Вяль – вядучы вакал, гітара.
• Максім Быкаў – сола-гітара, бэк-вакал.
• Генадзь “Дроп-рэ” Лукашанец – бас-гітара.
• Аляксандр “Stepkinz” Сцепановіч – ударныя.

Вытворчасць:

• Павел Сініла, студыя «Еverest Studio» – звядзенне, мастэрынг.
• Алена Раманенка – аўтар фатаграфіі з вокладкі.
• Анастасія Тарачанка – афармленне, дызайн вокладкі.