DoS-напад

DoS-напад^[1] (англ.: denial-of-service attack; напад тыпу «адмова ў абслугоўванні») — атака, пры якой адна ці некалькі машын накіроўваюцца на ахвяру і спрабуюць перашкодзіць ёй выконваць карысную працу^[2].

Ахвярай можа быць сервер, кліент, маршрутызатар, злучэнне або цэлая сетка, асобны карыстальнік інтэрнэта, кампанія, дзяржава або любая камбінацыя папярэдніх пунктаў. Напады тыпу «адмова ў абслугоўванні» могуць уключаць атрыманне несанкцыянаванага доступу да прыватных рэсурсаў^[2].

Размеркаваны DoS-напад

Калі напад зыходзіць ад мноства машын (ботнэта), часта з выкарыстаннем IoT‑прылад з нізкім узроўнем бяспекі, яго называюць DDoS-нападам (з англ. — «Distributed Denial of Service», размеркаваны напад тыпу «адмова ў абслугоўванні»). Гэтыя прылады могуць быць скампраметаваныя і злучаныя ў сеткі-ботнэты, якія пазней могуць арандавацца для пэўных нападаў^[3].