Fuchs (БТР)

TPz 1 Fuchs — нямецкі бронетранспарцёр, выраблены кампаніяй Rheinmetall AG. Прыняты на ўзбраенне ў 1979 годзе.

Fuchs
Бітва	Вайна ў Персідскім заліве
Краіна паходжання	ФРГ
Вытворца	Thyssen-Henschel[d] і Rheinmetall
Усяго выраблена	1 500[1]
Дызайнер	Thyssen-Henschel[d]
Даўжыня	6 760 міліметр
Шырыня	2 380 міліметр
Вышыня	2 300 міліметр
Медыяфайлы на Вікісховішчы

Апісанне

Зварны сталёвы корпус забяспечвае абарону ад куль і аскепкаў артылерыйскіх снарадаў. Уваход і выхад з дэсантнага аддзялення на 10 чалавек ажыццяўляецца праз двухстворкавыя дзверы ў кармавым бронелісце. Маторна-трансмісійнае аддзяленне ў сярэдняй частцы корпуса аддзелена ад астатніх супрацьпажарнымі перагародкамі. Сілавая ўстаноўка складаецца з 8-цыліндравага V-вобразнага дызельнага рухавіка вадкаснага астуджэння ОМ 402 A магутнасцю 320 к. с. Колавая формула 6 × 6. Падвеска балансірная, спружынная, з гідраамартызатарамі. Рух на плаву ажыццяўляецца з дапамогай двух вяслярных вінтоў. Узбраенне ўключае 20-мм аўтаматычную гармату або 7,62-мм кулямёт.

Варыянты і мадыфікацыі

На базе БТР створана вялікая колькасць спецыяльных машын (камандна-штабная, медыцынская, машына сувязі, рухомая РЛС, мінны загараджальнік, зенітная самаходная ўстаноўка, машына ядзернай, радыяцыйнай і хімічнай разведкі і іншыя). Для экспарту прапануецца вялікі выбар варыянтаў машыны, уключаючы знішчальнік танкаў, самаходны мінамёт, БРЭМ і БМП.

• Fuchs 1A8 — машына з абаронай ад мін і самаробных выбуховых прылад^[2][3].
• Tpz-1 Fuchs CBRN — машына хімічнай, біялагічнай, радыяцыйнай і ядзернай разведкі.
• Tpz-1 Fuchs NBC — машына радыяцыйнай, біялагічнай і хімічнай разведкі. Устаноўлена больш дасканалае электроннае абсталяванне, вытворчасці ЗША.
• TPz 1A1 EloKa «Peiler» — мадыфікацыя з сістэмай радыёперахопу і радыётэхнічнай разведкі KWS-RMB, абсталявана 12-м мачтай з антэнай для прыёму радыёсігналаў у дыяпазоне частот 100 МГц—40 ГГц^[4]. Для дакладнага вызначэння каардынатаў крыніц радыёсігналаў прадугледжана магчымасць аб’яднання ў сетку да 4—5 такіх машын^[4].
• Wildcat DCA — зенітная самаходная ўстаноўка са спаранай 30-мм аўтаматычнай гарматай, камерцыйная экспартная мадыфікацыя. Шасі — Krauss-Maffei, сістэма кіравання агнём — Siemens, электроніка — Siemens і AEG-Telefunken^[5].

На ўзбраенні

•  Алжыр — больш за 176 Fuchs 2, станам на 2016 год^[6]
•  Вялікабрытанія — 8 Tpz-1 NBC, станам на 2016 год^[7]
•  Венесуэла — 10 Tpz-1 CBRN, станам на 2016 год^[8]
•  Германія — 359 Tpz-1 усіх мадыфікацый і 44 Tpz-1 NBC, станам на 2024 год^[9]
•  Ізраіль — як мінімум 8 Tpz-1 NBC, станам на 2016 год^[10]
•  Ірак — 20 Fuchs NBC, станам на 2016 год^[11]
•  Кувейт — 11 Tpz-1 NBC, станам на 2016 год^[12]
•  Нідэрланды — 9 Tpz-1 CBRN, станам на 2016 год^[13]
•  Нарвегія — некаторая колькасць Tpz-1 NBC, станам на 2016 год^[14]
•  ААЭ — 32 Tpz-1 NBC, станам на 2016 год^[15]
•  Саудаўская Аравія — 10 Tpz-1 NBC, станам на 2016 год^[16]
•  Украіна — невядомая колькасць^[17].