Yle

Yle (афіцыйныя назвы — фінск.: Yleisradio Oy, шведск.: Rundradion Ab) — нацыянальная тэлерадыёвяшчальная кампанія Фінляндыі.

Yle
Краіна	Фінляндыя
Дата пачатку вяшчання	29 мая 1926 года
Заснавальнік	L. M. Viherjuuri
Кіраўнікі	Лаўры Ківінен
Сайт	YLE

З 2013 года кампанія стала першай у краіне, зрабіўшы даступнымі ў прамой трансляцыі ў інтэрнэце ўсіх сваіх тэлепраграм.^[1]

Гісторыя

Yleisradio была заснавана ў Хельсінкі 29 мая 1926 года. Першая радыё перадача была перададзена 9 верасня 1926 года. Гэты дзень лічыцца днём нараджэння рэгулярнай вяшчальнай дзейнасці ў Фінляндыі і на самой Yle. Пасля гэтага была распрацавана сетка вяшчання, і ў пачатку 1930 года ўжо 100 000 сем'яў змаглі слухаць радыё Yle.

У 1957 годзе Yle паспрабавала сябе ў тэлевяшчанні, былі праведзены пробныя тэлеэфіры. Праз год з'явілася штодзённая перадача Suomen Televisio (фінскае тэлебачанне). З 1969 года Yle пачала трансляваць перадачы ў каляровым фармаце. У 2007 годзе разам з усім тэлебачаннем Фінляндыі Yle перайшло на лічбавае вяшчанне. Таксама ў Yle каналаў ёсць адзіны тэлетэкст.

Плануецца, што з 2 снежня 2013 года пачнецца выпуск тэленавінаў на саамскай мове.^[2]

Радыёстанцыі

• Yle Radio 1 (фін.)
• YleX (фін.)
• Yle Radio Suomi (фін.)
• Yle Puhe (фін.)
• Yle X3M (шведск.)
• Yle Radio Vega (шведск.)
• Yle Sámi Radio (паўн.-саам.)
• Yle Klassinen (фін.)
• Yle Mondo (англ.) (фр.) (ісп.) (італ.) (ням.) (дацк.) (руск.)

Тэлеканалы

• Yle TV1 (фін.)
• Yle TV2 (фін.)
• Yle Fem (шведск.)
• Yle Teema (фін.)

Цікавыя факты

• Першай тэлевізійнай трансляцыяй у Фінляндыі (г. зн. Yle) у 1950 годзе стаў рэпартаж з універмага Stockmann у Хельсінкі.
• У 2013 годзе рэжысёр спартыўных праграм Тапані Парм удастоены прэміі брытанскай кінаакадэміі BAFTA.^[3]

Галерэя

• 
  Стары лагатып кампаніі (да 5 сакавіка 2012 года)
• 
  Офіс Yle ў Хельсінкі
• 
  Студыя навін у Yle

Зноскі

1. Телеканалы Yle начинают прямую трансляцию в интернете // Сайт тэлерадыёкампаніі Yleisradio Oy. Novosti po-russki. — 22 красавіка 2013.(Праверана 3 жніўня 2025)
2. На Yle начинают выходить теленовости на саамском языке // Сайт тэлерадыёкампаніі Yleisradio Oy. Novosti po-russki. — 25 лістапада 2013.(Праверана 3 жніўня 2025)
3. Режиссер Юле Тапани Парм получил британскую Bafta // Сайт тэлерадыёкампаніі Yleisradio Oy. Novosti po-russki. — 29 красавіка 2013.(Праверана 3 жніўня 2025)