Інстытут тэхнічнай цеплафізікі НАН Украіны

Інстытут тэхнічнай цеплафізікі НАН Украіны — навукова-даследчая ўстанова ў складзе Аддзялення энергетыкі і энергетычных тэхналогій Нацыянальнай акадэміі навук Украіны, займаецца навуковымі даследаваннямі ў галіне цеплафізічных даследаванняў цеплаэнергетычнага абсталявання з выкарыстаннем традыцыйных, узнаўляльных і альтэрнатыўных крыніц энергіі і распрацоўкі метадаў павышэння яго эфектыўнасці, надзейнасці і экалагічнай бяспекі; тэорыі цепламасаабмену і яе прымянення для павышэння эфектыўнасці цеплаабменных працэсаў і выкарыстання ў машынах і прыборах новай тэхнікі; тэорыі цепла- і рэчывапераносу для павышэння энергаэфектыўнасці існуючых і распрацоўкі прынцыпова новых рэсурсазберагальных цеплатэхналогій; тэорыі вымярэння цеплавых велічынь і стварэнне новых цеплафізічных прыбораў і сістэм для кантролю стану тэхнічных аб’ектаў і тэхналогій.

Інстытут тэхнічнай цеплафізікі Нацыянальнай акадэміі навук Украіны
Міжнародная назва	Institute of Engineering Thermophysics of the NAS of Ukraine
Дата заснавання	1947
Дырэктар	Юрый Фёдаравіч Снежкін
Юрыдычны адрас	Украіна, 03680 Кіеў, вул. Марыі Капніст, 2а
Сайт	ittf.kiev.ua
Медыяфайлы на Вікісховішчы

Гісторыя

У траўні 1947 г. рашэннем Савета Міністраў Украінскай ССР Інстытут энергетыкі АН УССР (створаны ў 1939 годзе ў г. Харкаў) быў рэарганізаваны ў два самастойных ў два самастойных інстытута: Інстытут электратэхнікі і Інстытут цеплаэнергетыкі АН УССР. З 1964 года — Інстытут тэхнічнай цеплафізікі. Пастановай Бюро Прэзідыума АН УССР ад 07.04.1988 г. № 138 на базе Аддзялення праблем пераўтварэння і выкарыстання электраэнергіі Інстытута электрадынамікі АН УССР, аддзяленняў сістэмных даследаванняў у энергетыцы і высокатэмпературнага пераўтварэння энергіі Інстытута праблем мадэлявання ў энергетыцы АН УССР і Комплексу цепламетрыі ў энергетыцы Інстытута тэхнічнай цеплафізікі АН УССР быў створаны Інстытут праблем энергазберажэння АН УССР з адмысловым канструктарска-тэхналагічным бюро з эксперыментальнай вытворчасцю.

Навуковыя школы

• Інтэнсіўныя працэсы канвектыўнага цеплаабмену і гідрадынаміка ва ўмовах, характэрных для цеплаэнергетычнага абсталявання
• Цеплаабмен і гідрадынаміка параўтварэння ў працэсах і апаратах энергетыкі і новай тэхнікі
• Горная цеплафізіка
• Навуковыя асновы кіравання працэсамі цепламасаабмену і стварэння энергазберагальных тэхналогій і абсталявання для розных галін народнай гаспадаркі
• Навуковыя асновы цеплафізічных вымярэнняў

Структура

• Аддзел цепла- і масаабмену у цеплавых тэхналогіях
  • Лабараторыя цепламасаабменных працэсаў і абсталявання
• Аддзел высокатэмпературнай тэрмагазадынамікі
  • Лабараторыя мадэлявання працэсаў цепламасаабмену ў энергетычных і цеплатэхнічных аб’ектах
• Аддзел цеплафізічных асноў энергазберагальных тэхналогій
• Аддзел цепламасаабмену і гідрадынамікі ў элементах цеплаэнергетычнага абсталявання
  • Лабараторыя працэсаў і тэхналогій цеплазабеспячэння
  • Лабараторыя цепламасаабмену ў шматкампанентных дысперсных сістэмах
• Аддзел цеплафізікі энергаэфектыўных цеплавых тэхналогій
• Аддзел цеплафізічных праблем сістэм цеплазабеспячэння
  • Лабараторыя цеплафізічных праблем біяэнергетыкі
  • Лабараторыя цеплафізічных працэсаў у кацельнях
• Аддзел цепла- і масаабмену у дысперсных сістэмах
  • Лабараторыя «Цеплафізіка імпульсных працэсаў у дысперсных сістэмах»
  • Лабараторыя гігратэрмічных працэсаў
  • Лабараторыя цеплафізічных асноў дысперсна-імпульснага ўводу энергіі ў неаднародныя асяроддзі
• Лабараторыя тэрмаметрыі

Спасылкі

• Сайт інстытута