Ісаак I Камнін

У Вікіпедыі ёсць артыкулы пра іншых людзей з імем Ісак.

Ісак I Камнін (? — 31 мая 1060, Студыйскі манастыр) — імператар усходнерымскі (1057—1059), фактычны родапачынальнік дынастыі Камнінаў. Сын Мануіла Эротыка Камніна, вядомага дзеяча часоў імператара Васіля II. Быў жанаты з Кацярынай, дачкою балгарскага цара Івана-Уладзіслава.

Ісаак I Камнін
грэч. Ισαάκιος Α΄ Κομνηνός
Манеты з выявай Камніна
Візантыйскі імператар 1 верасня 1057 — 25 снежня 1059
Папярэднік	Міхаіл VI
Пераемнік	Канстанцін X
Нараджэнне	каля 1005 Візантыя
Смерць	1060 ці 1061 Студыйскі манастыр[d], Візантыя
Месца пахавання	Царква Апосталаў[d]
Род	Камніны
Бацька	Мануіл Эротык Камнін[1]
Жонка	Кацярына Балгарская[d][2]
Медыяфайлы на Вікісховішчы

Займаў пасаду магістра і камандаваў усходнім войскам Візантыйскай імперыі, ваяваў з сельджукамі. Быў пазбаўлены пасады імператрыцай Феадорай. Прыйшоў да ўлады ў выніку ваеннага перавароту ў Канстанцінопалі, але праз два гады, пасля палітычнага паражэння, саступіў сталец Канстанціну Дуку. Адрокся ад ўлады ў снежні 1059. Пастрыгся ў манахі Студыйскага манастыра, дзе і памёр. Хварэў на эпілепсію.